మౌనికశ్రీ అకాడమీ విద్యార్థులకు కె.బి.ఆర్ ప్రతిభా పురస్కారములు

గుంటూరు :ఏటుకూరు రోడ్డు సూర్యదేవరపేటలోని మౌనికశ్రీ అకాడమీ విద్యార్థులు బూడేపూడి మౌనికశ్రీ (9 వ తరగతి), విష్ణుమొలకల కోమల శ్రీవల్లి (4 వ తరగతి), కోల కనిష్క (4 వ తరగతి), కోల శివ వెంకట సుక్షిత్ (2 వ తరగతి), కందుకట్ల తేజస్విని (3 వ తరగతి), కందుకట్ల జ్యోతి కార్తికేయ (యు.కే.జి) జ్ఞాపకశక్తిలో ప్రతిభ చూపినందుకు గాను అఖిల భారత ఎస్.ఓ.సి వెల్ఫేర్ అసోసియేషన్,  కె.బి.ఆర్ ఫౌండేషన్ సంయుక్త ఆధ్వర్యంలో 8 వ వార్షికోత్సవం సందర్భంగా మెగా రక్తదాన శిబిరం మరియు పురస్కారముల ప్రదానం గుంటూరులోని రెవెన్యూ కళ్యాణమండపంలో ఆదివారం నిర్వహించారు. ఈ విద్యార్థుల ప్రతిభను గుర్తించిన కె.బి.ఆర్ ఫౌండేషన్ చైర్మన్, వ్యవస్థాపకులు కొడవటికంటి బాలరాజు  పురస్కారానికి ఎంపిక చేసారు. ఈ కార్యక్రమంలో వివిధ ప్రాంతాల నుండి వచ్చిన సమాజ సేవకులు రక్తదానం చేసారు. సమాజ సేవకులకు, ప్రతిభ కలిగిన వారికి పురస్కారాలను అందించారు.మౌనికశ్రీ అకాడమీ విద్యార్థులు జ్ఞాపకశక్తిలో ప్రత్యేక శిక్షణ తీసుకుంటున్నారు. మౌనికశ్రీ ఇప్పటి వరకు జ్ఞాపకశక్తిలో 76 రికార్డులు, తెలంగాణ రాష్ట్ర ప్రభుత్వ పురస్కారం, 146 జాతీయ, అంతర్జాతీయ పురస్కారాలు అందుకున్నది. కోమలి శ్రవల్లి (తెలుగు బుక్ ఆఫ్ రికార్డ్స్ హోల్డర్), కోల కనిష్క (10 జాతీయ, అంతర్జాతీయ రికార్డులు, 1 పురస్కారం), కోల శివ వెంకట సుక్షిత్ (12 జాతీయ, అంతర్జాతీయ రికార్డులు, 1 పురస్కారం), కందకట్ల తేజస్విని (తెలుగు బుక్ ఆఫ్ రికార్డ్స్), కందకట్ల జ్వాలా కార్తికేయ (తెలుగు బుక్ ఆఫ్ రికార్డ్స్) సాధించారు.మెమరీ ట్రైనర్ బోడెపూడి నాగస్వప్న జ్ఞాపకశక్తిలో ప్రత్యేక శిక్షణ ఇస్తున్నారు. వీరందరికీ పురస్కారములు అందుకున్నందుకు మౌనికశ్రీ అకాడమీ డైరెక్టర్ బోడెపూడి రామారావు, విద్యార్థుల తల్లిదండ్రులు, బంధువులు, స్నేహితులు హర్షం వ్యక్తం చేస్తున్నారు. తమ విద్యార్థులు పురస్కారాలు అందుకోవటంతో తమపై మరింత బాధ్యత పెరిగిందని వీరిందరితో పాటు ఇంకొంత మంది విద్యార్థులకు శిక్షణ ఇచ్చి ఇలాంటి పురస్కారాలు అందుకోవాలని కోరుకుంటున్నారు.