కొమ్మర గ్రామవాసి ఇరగవరంలో అదృశ్యం

ఇరగవరం , మేజర్ న్యూస్:కొమ్మర గ్రామానికి చెందిన నాగరాజు రామ కృష్ణారాజు(46)అదృష్యమైనట్లు ఇరగవరం స్టేషన్ హౌస్ అధికారి వెంకట్వశ్వరావు(హెచ్.సి1154)చెప్పారు.ఎస్ హెచ్ ఓ తెలిపిన వివరాల ప్రకారం అత్తిలి మండలం కొమ్మర గ్రామానికి చెందిన నాగరాజు వెంకట కృష్ణారాజు, అతని భార్య నాగరాజు రాణి ఇరగవరం మండలం అర్జునుడిపాలెంలో నివాసం ఉంటున్నారు. అక్టోబర్ 28అన్నా వదినలను చూడటానికి వచ్చినట్లు అనంతరం అదేరోజు తిరిగి వెళ్తున్నానని చెప్పి వెళ్లినట్లు అన్నావదినలు ఫిర్యాదులో పేర్కొన్నట్లు చెప్పారు. అప్పటినుండి ఇప్పటి వరకు నాగరాజు వెంకట కృష్ణారాజు ఇంటికి తిరిగి రాలేదని ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్ హెచ్ ఓ వెంకటేశ్వరావు చెప్పారు.