ఘనంగా సీఎం రేవంత్ రెడ్డి జన్మదిన వేడుకలు

                    విద్యార్థులకు స్కూల్ బ్యాగులు, టపాసుల పంపిణీ చేసిన మిరియాల ప్రీతమ్ దంపతులు
చందానగర్,మేజర్ న్యూస్ : సీఎం రేవంత్ రెడ్డి పుట్టినరోజు సందర్బంగా  చందానగర్ డివిజన్ పరిధిలోని శివాజీనగర్ ప్రాథమిక పాఠశాలలో  వేడుకలను కాంగ్రెస్ నాయకులు మిరియాల ప్రీతమ్, ఆయన సతీమణి యామిని దివ్య ఘనంగా నిర్వహించారు. ఈ సందర్భంగా కేక్ కట్ చేసి విద్యార్థులకు స్కూల్ బ్యాగులు పంపిణీ చేశారు.అదేవిధంగా  దీపావళి పండుగను పురస్కరించుకొని చిన్నారులకు టపాసులు అందజేసి వారితో ఆనందాన్ని పంచుకున్నారు. విద్యార్థులు బాగా చదువుకొని ఉన్నత శిఖరాలను అధిరోహించాలని ప్రోత్సహించారు. ఈ సేవా కార్యక్రమం పట్ల పాఠశాల సిబ్బంది హర్షం వ్యక్తం చేశారు.ఈ కార్యక్రమంలో పరదేశి నాయుడు, జమీర్, చింటూ, త్రిలోచన, ప్రధానోపాధ్యాయులు రాజశేఖర్, ఉపాధ్యాయులు పద్మజ, అఖిల, అంగన్‌వాడీ టీచర్ జ్యోతి తదితరులు పాల్గొన్నారు.