ఉయ్యూరు కౌన్సిలర్లకు రాజేంద్రప్రసాద్ అభినందనలు

ఉయ్యూరు మేజర్ న్యూస్ : ఉయ్యూరు మున్సిపల్ ఎన్నికల్లో విజయం సాధించిన 21, 17, 31, 30 వార్డుల కౌన్సిలర్లు మాజీ ఎమ్మెల్సీ వై.వి.బి. రాజేంద్రప్రసాద్‌ను ఆయన స్వగృహంలో మర్యాదపూర్వకంగా కలిశారు. తమ విజయానికి ముందుండి కీలక పాత్ర పోషించినందుకు ఆయనకు కృతజ్ఞతలు తెలియజేసి సత్కరించారు. ఈ సందర్భంగా కౌన్సిలర్లను రాజేంద్రప్రసాద్ అభినందించి సన్మానించారు. అనంతరం ఆయన మాట్లాడుతూ ప్రజలు తమపై ఉంచిన నమ్మకాన్ని నిలబెట్టుకుంటూ మానవసేవే మాధవసేవగా భావించి ఉయ్యూరు పట్టణ ప్రజలకు బాధ్యతతో సేవ చేయాలని సూచించారు. పట్టణ అభివృద్ధి కోసం కౌన్సిలర్లు చేసే కృషిలో తాను ఎల్లప్పుడూ అండగా ఉంటానని హామీ ఇచ్చారు. ఈ కార్యక్రమంలో 21వ వార్డు కౌన్సిలర్ పలియాల రూపాదేవి, 17వ వార్డు కౌన్సిలర్ రామనోళ్ళ శ్రీకాంత్, 30వ వార్డు కౌన్సిలర్ రాజులపాటి ఫణి, 31వ వార్డు కౌన్సిలర్ నేరుసు బాలకృష్ణ, పల్యాల రమేష్, మధు రాజులపాటి, హరికృష్ణ, సూర్య, వీరమ్మతల్లి గుడి కమిటీ సభ్యులు, యాదవ సంఘం నాయకులు, తెలుగుదేశం, జనసేన పార్టీల నాయకులు, కార్యకర్తలు పాల్గొన్నారు.

స్టాఫ్ రిపోర్టర్: ✍️ ప్రేమ్ రాజ్, పెనమలూరు నియోజకవర్గం, కృష్ణాజిల్లా.