ఘనంగా భాషా సాంస్కృతిక శాఖ కార్యాలయంలో దీపావళి వేడుకలు

రవీంద్ర భారతి, మేజర్ న్యూస్ : హైదరాబాద్‌లోని కళా భవన్ లో భాషా సాంస్కృతిక శాఖ కార్యాలయంలో దీపావళి వేడుకలు ఘనంగా నిర్వహించారు. ఈ సందర్భంగా భాషా సాంస్కృతిక కార్యాలయంలో పండుగ వాతావరణం నెలకొంది. ఈ వేడుకల్లో భాషా సాంస్కృతిక శాఖ సంచాలకుడలు డా. ఏనుగు నరసింహారెడ్డి (ఐఏఎస్) పాల్గొని లక్ష్మిదేవి కి ప్రత్యేక పూజలు నిర్వహించారు. ఈ సందర్భంగా ఉద్యోగులు ఉత్సాహంగా పాల్గొని దీపాలు వెలిగించి దీపావళి సంబరాలు జరుపుకున్నారు. వెలుగుల పండుగ ప్రతి ఒక్కరి జీవితాల్లో ఆనందం, ఆరోగ్యం, ఐశ్వర్యం నింపాలని సంచాలకుడు ఆకాంక్షించారు. సిబ్బంది ఒకరికొకరు దీపావళి శుభాకాంక్షలు తెలియజేసుకున్నారు. కార్యక్రమంలో సాంస్కృతిక శాఖ, సిబ్బంది, సాంస్కృతిక సంస్థ ప్రతినిధులు, కవులు, కళాకారులు పాల్గొన్నారు.