గౌడ సంఘానికి ఆర్థిక భరోసా ఎంపీ వంశీకృష్ణ

సూర్య ఎండపల్లి ;గ్రామీణ సామాజిక వర్గాల అభివృద్ధికి ప్రజాప్రతినిధుల సహకారం అవసరమని పేర్కొంటూ పెద్దపల్లి ఎంపీ గడ్డం వంశీకృష్ణ గొల్లకోట గౌడ సంఘానికి రూ.10 లక్షల ఎంపీ ల్యాడ్స్ నిధులు మంజూరు చేశారు. జగిత్యాల జిల్లా ఎండపల్లి మండలం గొల్లకోట గ్రామానికి వచ్చిన ఆయన గౌడ సంఘం నాయకులు, సభ్యులతో సమావేశమై సంఘం అవసరాలు, సమస్యలను తెలుసుకున్నారు.కమ్యూనిటీ భవనానికి ప్రహరీ గోడ నిర్మాణం చేపట్టడంతోపాటు ఫంక్షన్ హాల్‌ను అభివృద్ధి చేసేందుకు ఆర్థిక సహకారం అందించాలని సంఘం నాయకులు ఎంపీకి విజ్ఞప్తి చేశారు. స్పందించిన గడ్డం వంశీకృష్ణ రూ.10 లక్షల నిధులు మంజూరు చేస్తూ సంబంధిత పత్రాలపై సంతకం చేసి సంఘం ప్రతినిధులకు అందజేశారు.గౌడ కులస్తుల సంక్షేమం, సంఘం అభివృద్ధికి రానున్న రోజుల్లోనూ అండగా ఉంటానని ఎంపీ భరోసా ఇచ్చారు. తమ విజ్ఞప్తికి స్పందించి నిధులు కేటాయించిన ఎంపీకి గౌడ సంఘం నాయకులు, సభ్యులు ప్రత్యేక కృతజ్ఞతలు తెలిపారు.