ఎరువుల దుకాణాల్లో వరి విత్తనాల విక్రయాలు చేయొద్దు

రామాయంపేట;రైతులకు నాణ్యమైన విత్తనాలు, ఎరువులు అందించడమే లక్ష్యంగా ప్రభుత్వం నిర్దేశించిన నిబంధనలను ప్రతి వ్యాపారి తప్పనిసరిగా పాటించాలని తహసీల్దార్ రజనీకుమార్ సూచించారు. ఫర్టిలైజర్ దుకాణాల్లో వరి విత్తనాలు విక్రయించరాదని, నిబంధనలకు విరుద్ధంగా వ్యవహరిస్తే సంబంధిత దుకాణ యజమానులపై కఠిన చర్యలు తీసుకుంటామని హెచ్చరించారు.ఈ సందర్భంగా తహసీల్దార్ రజనీకుమార్ మాట్లాడుతూ.. ఎరువుల దుకాణాల్లో అనుమతులు లేని విత్తనాల విక్రయాలు చేపట్టకూడదని స్పష్టం చేశారు. రైతులకు నాణ్యమైన వ్యవసాయ ఉత్పత్తులు అందేలా వ్యాపారులు బాధ్యతాయుతంగా వ్యవహరించాలని సూచించారు. ప్రభుత్వం నిర్దేశించిన మార్గదర్శకాలను పాటిస్తూ వ్యాపారాలు నిర్వహించాలని, నిబంధనల ఉల్లంఘనలను ఉపేక్షించేది లేదని పేర్కొన్నారు. ఈ కార్యక్రమంలో ఆర్ ఐ గోపి తో పాటు ఎరువుల దుకాణం యజమానులు పాల్గొన్నారు