ఎంఈఓ గా కోటయ్య బాధ్యతలు....

మద్దూర్ ..…దూల్మిట్ట మండల విద్యాశాఖ అధికారిగా మండలంలోని కూటిగల్ గ్రామ ప్రభుత్వ ఉన్నత పాఠశాల గెజిటెడ్ హెడ్మాస్టర్ పసుల కోటయ్య సోమవారం మండల విద్యా వనరుల కేంద్రంలో బాధ్యతలు స్వీకరించారు. ఈ సందర్భంగా ఆయన మాట్లాడుతూ మండలంలో విద్యాభివృద్ధికి శాయశక్తుల కృషి చేయనున్నట్లు తెలిపారు. రాబోయే పదవ తరగతి పరీక్షల్లో ఉత్తమ ఫలితాలను తీసుకువచ్చేందుకు చర్యలు తీసుకోనున్నట్లు తెలిపారు. మండలంలో విద్యాభివృద్ధికి ఉపాధ్యాయులు సహకరించాలని కోరారు. అనంతరం ఎంఈఓ గా బాధ్యతలు స్వీకరించిన కోటయ్యను వివిధ ఉపాధ్యాయ సంఘాల బాధ్యులు ప్రత్యేకంగా కలిసి శుభాకాంక్షలు తెలియజేసి సన్మానించారు.