ఎన్నికల సామాగ్రి పంపిణీ సక్రమంగా జరగాలి

సత్తెనపల్లి,ముప్పాళ్ల, న్యూస్ : "మురసు" తుఫాను ప్రభావం దృష్టిలో పెట్టుకొని ఎన్నికల నిర్వహణ మెటీరియల్ ను ఎటువంటి అంతరాయం లేకుండా పంపిణీ చేసేందుకు తగిన జాగ్రత్తలు తీసుకోవాలని పల్నాడు జిల్లా జాయింట్ కలెక్టర్ సంజనా శ్రీహర్ష అధికారులకు సూచించారు. సోమవారం సత్తెనపల్లి,ముప్పాళ్ళ మండలా ల్లో ఎంపీటీసీ, జడ్పిటిసి ఎన్నికలకు సంబంధించి డిస్ట్రిబ్యూషన్, రిసెప్షన్ సెంటర్ లను పరిశీలించారు. ముప్పాళ్ల మండలంలో స్థానిక ఎంపీడీవో వారి కార్యాలయం పక్కనే ఉన్న "మల్టీపర్పస్ ఫెసిలిటేషన్ సెంటర్" ను పరిశీలించారు. జే సితో పాటు ఆర్డీవో గోపాలకృష్ణ ఉన్నారు. ఈ సందర్భంగా జెసి అధికారులకు పలు సూచనలు చేశారు. కార్యక్రమంలో మండల ప్రత్యేక అధికారి, పల్నాడు జిల్లా పశుసంవర్ధక శాఖ అధికారి శ్రీనివాసరావు, తహాశీల్దార్ లు చక్రవర్తి, నగేష్, ఎంపీడీవో బండి శ్రీనివాసరెడ్డి, ఇన్చార్జి ఎంపీడీవో కేవీ శ్రీనివాసరావు, సిబ్బంది తదితరులు ఉన్నారు.