తెలుగుదేశంతోనే అభివృద్ధి సాధ్యం.
మండలాన్ని అభివృద్ధిలో నెంబర్ వన్ గా తీర్చిదిద్దుతా.
ఇంటింటా ప్రచారం నిర్వహించిన టిడిపి జడ్పిటిసి అభ్యర్థి సౌమ్య.
సూర్య న్యూస్ ముండ్లమూరు. తెలుగుదేశం పార్టీతోనే అభివృద్ధి సాధ్యమని అభివృద్ధిలో మండలాన్ని నెంబర్ వన్ స్థానంలో నిలబెడతారని టిడిపి జడ్పిటిసి అభ్యర్థి మందలపు సౌమ్య అన్నారు. మండలంలోని బట్లపల్లి నూజిల్లపల్లి కంభంపాడు గ్రామాలలో ఎన్నికల ప్రచారం నిర్వహించారు. ఈ సందర్భంగా ఆమె మాట్లాడుతూ నియోజకవర్గ టిడిపి ఇన్చార్జి డాక్టర్ గొట్టిపాటి లక్ష్మి సహాయ సహకారాలతో మండలాన్ని అభివృద్ధి పదంలో నడిపిస్తానని గ్రామాల్లో గల సమస్యలను గుర్తించి ప్రాధాన్యత క్రమంలో పరిష్కరిస్తానని తెలిపారు. అభివృద్ధి వేగం మరింత పెరగాలంటే సైకిల్ గుర్తుకు ఓటెయ్యాలని ఆమె కోరారు. కార్యక్రమానికి ముందుగా నూజిలపల్లిలోని పోలేరమ్మ తల్లి దేవాలయంలో పూజలు నిర్వహించారు. ఈ కార్యక్రమంలో మాజీ సర్పంచ్ కూరపాటి నారాయణస్వామి నూజిల్లపల్లి ఎంపీటీసీ చాగంటి హనుమంతరావు టిడిపి నాయకులు పాల్గొన్నారు.
