andhrapradesh
రాష్ట్రస్థాయి ఫుట్‌బాల్ టోర్నమెంట్‌లో ఉమ్మడి తూర్పుగోదావరి జట్టుకు రన్నరప్ స్థానం
రావులపాలెం: మేజర్ న్యూస్ రంపచోడవరంలో నిర్వహించిన అండర్‌-14 ఎస్‌జీఎఫ్ (SGF) రాష్ట్రస్థాయి ఫుట్‌బాల్ టోర్నమెంట్‌లో ఉమ్మడి తూర్పుగోదావరి జిల్లా జట్టు రన్నరప్‌గా నిలిచింది. ఈ పోటీల్లో రావులపాలెంలోని డాన్ బాస్కో స్కూల్ విద్యార్థులు పి. దత్త విక్రాంత్, ఎం. వెంకీ కుమార్ అద్భుతమైన ఆటతీరును ప్రదర్శించి జట్టు విజయానికి తమ వంతు కృషి చేశారు.
విద్యార్థులు రాష్ట్రస్థాయిలో ప్రతిభ కనబరిచి రన్నరప్‌గా నిలవడం పట్ల డాన్ బాస్కో స్కూల్ ప్రిన్సిపాల్ విద్యాసాగర్, కరస్పాండెంట్ రేమల్ల థామస్ హర్షం వ్యక్తం చేశారు. విద్యార్థులను ప్రత్యేకంగా అభినందించారు.
ఈ సందర్భంగా ప్రిన్సిపాల్, కరస్పాండెంట్‌తో పాటు ఉపాధ్యాయులందరూ విద్యార్థులను అభినందిస్తూ, భవిష్యత్తులో మరిన్ని విజయాలు సాధించాలని ఆకాంక్షించారు.
