చెరువుగట్టు శివాలయం లో కార్తీక మాస ఉత్సవాలకు ఏర్పాట్లు

మునగాల మేజర్ న్యూస్: మండల కేంద్రంలోని ప్రముఖ పుణ్యక్షేత్రమైన చెరువుగట్టు శ్రీ పార్వతీ గంగాధర స్వామి దేవాలయంలో కార్తీక మాస ఉత్సవాలను ఘనంగా నిర్వహించనున్నట్లు ఆలయ చైర్మన్ వాసా.  శ్రీనివాసరావు తెలిపారు.సోమవారం ఆయన మాట్లాడుతూ కార్తీక మాసం నవంబర్ 10వ తేదీ మంగళవారం నుండి డిసెంబర్ 8వ తేదీ మంగళవారం వరకు జరుగుతుందని అన్నారు.
ప్రత్యేక పూజల వివరాలు
కార్తీక సోమవారములు నవంబర్ 16, 23, 30 మరియు డిసెంబర్ 7వ తేదీ
నవంబర్ 24వ తేదీ మంగళవారం కార్తీక పౌర్ణమి  డిసెంబర్ 7వ తేదీ సోమవారం మాస శివరాత్రి,ఈ సందర్భంగా ప్రతి సోమవారం విశేష అభిషేకాలు, హోమాలు, సహస్ర దీపారాధన, జ్వాలా తోరణం, అన్నాభిషేకం వంటి కార్యక్రమాలు నిర్వహించనున్నట్లు తెలిపారు.
అభిషేక ద్రవ్యములు, హోమ ద్రవ్యములు, ప్రసాదములు సమర్పించదలచిన భక్తులు ఆలయ నిర్వాహకులను సంప్రదించాలని కోరారు,పురోహితులు వారణాసి బుచ్చిరామయ్య, వారణాసి కిషోర్, వెంకటేశ్వర శర్మ వారి ఆధ్వర్యంలో పూజా కార్యక్రమాలు నిర్వహిస్తారని తెలిపారు.