ధాన్యం కొనుగోలు కేంద్రాలను ప్రారంభించాలి

ధాన్యం కోనుగోలు కేంద్రాలు ప్రారంభించాలి

మేజర్ న్యూస్, నంగునూరు:-
వరి కోతలు ప్రారంభమైన ధాన్యం కొనుగోలు కేంద్రాలు ఏర్పాటు చేయడంలో కాంగ్రెస్ ప్రభుత్వం విఫలమైందని టిఆర్ఎస్ నాయకులు ఆరోపించారు.శనివారం నంగునూరు లో ఏర్పాటు చేసిన విలేకరుల సమావేశంలో జడ్పీ మాజీ వైస్ చైర్మన్ రాగుల సారయ్య, మాజీ ఎంపీపీ జాప శ్రీకాంత్ రెడ్డి ,మాజీ ఏఎంసీ చైర్మన్ ఎడ్ల సోమిరెడ్డి , సొసైటీ చైర్మన్ కోల రమేష్ గౌడ్ లు మాట్లాడారు. రైతులు ఆరుగాలం కష్టపడి పండించిన పంటను కొనేందుకు ప్రభుత్వం ముందుకు రాకపోవడం బాధాకరమైన విషయం అన్నారు. సకాలంలో ధాన్యం కొనుగోలు కేంద్రాలు ఏర్పాటు చేయకపోవడం వల్ల రైతులు తమ ధాన్యాన్ని మధ్య దళారులకు అన్ని నష్టపోతున్నారని తెలిపారు. అన్ని రంగాల్లో కాంగ్రెస్ ప్రభుత్వం ఘోరంగా విఫలమైంది అన్నారు. రైతుల పట్ల ప్రభుత్వం వివక్ష దర్పణం సరికాదన్నారు. రేవంత్ రెడ్డి సీఎం అయ్యాక చీకటి రోజులు ఉన్నాయని తెలిపారు రైతుల పాలిట శాపంగా మారిన ప్రభుత్వాన్ని గద్దె దించేందుకు రైతులు సిద్ధమవుతున్నారని బిఆర్ఎస్ నాయకులు హెచ్చరించారు. వారం రోజుల్లోగా కొనుగోలు కేంద్రాలు ప్రారంభించకపోతే  ఆందోళన చేపడతామని వారు హెచ్చరించారు. ఈ సమావేశంలో నంగునూరు గ్రామ సర్పంచ్ బాల పోచయ్య ఉపసర్పంచ్ కోల శ్రీధర్ గౌడ్  రాజు గౌడ్ ,సంతోష్ రెడ్డి ,ఉల్లి మల్లయ్య, కోల మహేందర్ గౌడ్ తదితరులు పాల్గొన్నారు