జాతీయ అంతర్ విశ్వవిద్యాలయ క్రీడా పోటీలకు నగరం కళాశాల విద్యార్థుల ఎంపిక

నగరం, మేజర్ న్యూస్: మండల కేంద్రమైన నగరంలోని శ్రీ వెలగపూడి రామకృష్ణ స్మారక కళాశాలకు చెందిన విద్యార్థులు క్రీడా రంగంలో విశేష ప్రతిభ కనబర్చి కళాశాలకు గర్వకారణంగా నిలిచారు. ఈనెల 30న ఆచార్య నాగార్జున విశ్వవిద్యాలయ అంతర్ కళాశాలల ఫెన్సింగ్ (పురుషుల) పోటీలలో కళాశాలలో ద్వితీయ బిఏ విద్యార్థి ఎ. నవీన్ కుమార్ రెడ్డి ప్రథమ స్థానం సాధించి, జమ్మూ యూనివర్సిటీలో నిర్వహించనున్న ఆల్ ఇండియా ఇంటర్ యూనివర్సిటీ ఫెన్సింగ్ పోటీలకు ఎంపికయ్యారు. అలాగే కళాశాలలో ప్రథమ సంవత్సరం బీసీఏ విద్యార్థి, డి. పర్దు లక్ష్మీ శ్రీనివాస్ పంజాబ్‌లోని చండీగఢ్ యూనివర్సిటీలో నిర్వహించనున్న ఆల్ ఇండియా ఇంటర్ యూనివర్సిటీ కయాకింగ్ అండ్ క్యానోయింగ్ ఛాంపియన్ షిప్ కి ఎంపికయ్యారు. ఈ సందర్భంగా శనివారం కళాశాల సెక్రటరీ, కరస్పాండెంట్ వల్లభనేని బుచ్చయ్య చౌదరి, ప్రిన్సిపల్ డాక్టర్ అనగాని హరికృష్ణ, వైస్ ప్రిన్సిపల్ ప్రసన్న బాబు, కళాశాల సూపర్డెంట్ అమరేష్ రెడ్డి తదితరులు విద్యార్థులను అభినందించి, వారి క్రీడా ప్రతిభను ప్రశంసించారు. ఈ విజయాల పట్ల కళాశాల యాజమాన్యం, అధ్యాపకులు, బోధనేతర సిబ్బంది, ఫిజికల్ ఎడ్యుకేషన్ విభాగం హర్షం వ్యక్తం చేశారు.