సర్దార్ వల్లభాయ్ పటేల్ జయంతి వేడుకలు ఘనంగా నిర్వహణ..

అనంతపురం విద్య మేజర్ న్యూస్ :- సర్దార్ వల్లభాయ్ పటేల్ జయంతిని పురస్కరించుకొని శనివారం  జిల్లా పరిషత్ ఉన్నత పాఠశాలలో విద్యార్థుల సమక్షంలో జయంతి వేడుకలను నిర్వహించారు.
ఈ సందర్భంగా పాఠశాల పి.ఎస్. హెచ్.ఎం. డెగావత్ రవీంద్రనాథ్ విద్యార్థులను ఉద్దేశించి మాట్లాడుతూ, భారతదేశానికి స్వాతంత్ర్యం వచ్చిన అనంతరం అనేక సంస్థానాలను భారత యూనియన్‌లో విలీనం చేసి, దేశ ఐక్యతకు పునాది వేసిన మహనీయుడు సర్దార్ వల్లభాయ్ పటేల్ అని వివరించారు. దేశ సమగ్రత కోసం ఆయన చేసిన కృషి, ధైర్యసాహసాలు, అంకితభావం ప్రతి ఒక్కరికీ ఆదర్శప్రాయమని పేర్కొన్నారు. విద్యార్థులు సర్దార్ వల్లభాయ్ పటేల్ ఆశయాలను స్ఫూర్తిగా తీసుకొని ఐక్యత, క్రమశిక్షణ, దేశభక్తి వంటి విలువలను అలవర్చుకోవాలని సూచించారు. ఉపాధ్యాయురాలు సుభాషిణి భాయి ఈ కార్యక్రమంలో పాల్గొని విద్యార్థులకు సర్దార్ వల్లభాయ్ పటేల్ జీవిత విశేషాలను వివరించారు.
ఈ కార్యక్రమం ద్వారా విద్యార్థుల్లో జాతీయ సమైక్యత, దేశభక్తి భావాలను పెంపొందించేందుకు కృషి చేశారు.

 మల్లికార్జున నేటి దినపత్రిక సూర్య స్టాఫ్ రిపోర్టర్