దామర చెరువులో ఇంకుడు గుంతల నిర్మాణం సర్పంచ్ గీతాంజలి డానియల్

రామాయంపేట ; దామర చెరువులో ఇంకుడు గుంతల నిర్మాణ పనులు చేపట్టారు. వర్షపు నీటిని వృథాగా పోనివ్వకుండా భూమిలోకి ఇంకేలా చర్యలు చేపడుతూ భూగర్భ జలాలను పెంపొందించేందుకు ఈ పనులు చేపట్టినట్లు సర్పంచ్ గీతాంజలి డానియల్ తెలిపారు.వర్షపు నీటి సంరక్షణకు ప్రాధాన్యం ఇస్తూ గ్రామంలో ఇంకుడు గుంతల నిర్మాణాన్ని చేపడుతున్నామని ఆమె పేర్కొన్నారు. ప్రతి ఒక్కరూ నీటి సంరక్షణపై అవగాహన పెంచుకుని, వర్షపు నీటిని ఒడిసిపట్టే విధంగా చర్యలు తీసుకోవాలని ఆమె సూచించారు. గ్రామాభివృద్ధిలో భాగంగా పర్యావరణ పరిరక్షణ, నీటి వనరుల సంరక్షణకు మరింత ప్రాధాన్యం ఇస్తామని తెలిపారు. ఈ కార్యక్రమంలో పంచాయతీ సెక్రెటరీ తో పాటు తదితరులు పాల్గొన్నారు