చేయూత పెన్షన్ల పంపిణీ..

అన్నపురెడ్డిపల్లిలో  చేయూత పెన్షన్ల పంపిణీ..

భద్రాద్రి కొత్తగూడెం జిల్లా అన్నపురెడ్డిపల్లి మండల కేంద్రంలోని జిల్లా పరిషత్ ఉన్నత పాఠశాల ప్రాంగణంలో శనివారం మధ్యాహ్నం 2:00 గంటలకు నూతనంగా మంజూరైన చేయూత పెన్షన్ల పంపిణీ కార్యక్రమం ఘనంగా నిర్వహించనున్నట్లు కాంగ్రెస్ పార్టీ మండల యువజన అధ్యక్షులు వేముల నరేష్ బాబు శుక్రవారం ఒక ప్రకటనలో తెలిపారు. ఈ కార్యక్రమానికి అశ్వారావుపేట ఎమ్మెల్యే  జారె ఆదినారాయణ  ముఖ్య అతిథిగా హాజరై లబ్ధిదారులకు పెన్షన్లను పంపిణీ చేయనున్నారు. ఈ సందర్భంగా ఆయన మాట్లాడుతూ.పేదవాడి కష్టానికి భరోసా, కులవృత్తుల జీవితానికి ఆసరా, వికలాంగుల జీవితాల్లో వెలుగులు నింపడమే ఈ కార్యక్రమం లక్ష్యమని  తెలిపారు. ప్రభుత్వం ఇచ్చే పెన్షన్ కేవలం డబ్బు కాదని, ఒక నిరుపేద కుటుంబానికి ధైర్యం, ఒక వృద్ధుడికి భరోసా, ఒక నిరుపేద తల్లికి ఆత్మగౌరవమని పేర్కొన్నారు.నూతనంగా పెన్షన్లు మంజూరైన లబ్ధిదారులు తప్పనిసరిగా ఈ కార్యక్రమానికి హాజరుకావాలని కోరారు. ఈ కార్యక్రమంలో మండల ప్రజాప్రతినిధులు, కాంగ్రెస్ పార్టీ నాయకులు, కార్యకర్తలు, అభిమానులు, యువజన నాయకులు, మీడియా మిత్రులు, పెద్ద సంఖ్యలో పాల్గొని విజయవంతం చేయాలని పిలుపునిచ్చారు..

సూర్య మేజర్ న్యూస్/ అన్నపురెడ్డిపల్లి..