చేర్యాలలో సమీకృత కార్యాలయ భవనంలో చోరీ.. రూ.4 లక్షల సామాగ్రి అపహరణ!
చేర్యాలలో సమీకృత కార్యాలయ భవనంలో చోరీ.. రూ.4 లక్షల సామాగ్రి అపహరణ!
చేర్యాల: సిద్దిపేట జిల్లా చేర్యాల పట్టణ కేంద్రంలో నిర్మాణంలో ఉన్న సమీకృత కార్యాలయ భవనంలో చోరీ జరిగింది. గుర్తుతెలియని దుండగులు భవనంలోకి చొరబడి సుమారు రూ.4 లక్షల విలువైన నిర్మాణ సామాగ్రిని అపహరించినట్లు సమాచారం.చోరీ ఘటనను గుర్తించిన సంబంధిత బాధ్యులు చేర్యాల పోలీస్ స్టేషన్లో ఫిర్యాదు చేశారు. ఫిర్యాదు మేరకు పోలీసులు ఘటనపై దర్యాప్తు చేపట్టినట్లు తెలిసింది. ప్రభుత్వ భవన నిర్మాణ పనులు కొనసాగుతున్న ప్రదేశంలోనే చోరీ జరగడం స్థానికంగా చర్చనీయాంశంగా మారింది. చోరీకి పాల్పడిన వారిని గుర్తించి సామాగ్రిని స్వాధీనం చేసుకోవాలని స్థానికులు కోరుతున్నారు.