బీహార్లో ప్రధాని మోదీ పర్యటన.. గంగానదిపై ‘నితీష్ సేతు’ ప్రారంభం
పాట్నా: బీహార్లో పర్యటిస్తున్న ప్రధానమంత్రి నరేంద్ర మోదీ గంగానదిపై నిర్మించిన ‘నితీష్ సేతు’ వంతెనను ప్రారంభించారు. రూ. 4,280 కోట్ల వ్యయంతో నిర్మించిన ఈ ప్రాజెక్టు మొత్తం కనెక్టివిటీ పొడవు 19.7 కిలోమీటర్లు కాగా, ఇందులో ప్రధాన బ్రిడ్జి పొడవు 9.76 కిలోమీటర్లుగా ఉంది. పాట్నాలోని కచ్చి దర్గా నుంచి వైశాలి జిల్లాలోని బిదుపూర్ వరకు అనుసంధానం కల్పించేలా ఈ వంతెనను నిర్మించారు. ఈ బ్రిడ్జి అందుబాటులోకి రావడంతో ఉత్తర, దక్షిణ బీహార్ ప్రాంతాల మధ్య రవాణా సౌకర్యం మరింత సులభతరం కానుంది.