BREAKING
గవర్నర్‌ను కలిసిన వైసీపీ బృందం.. ఎన్నికల ప్రక్రియపై ఫిర్యాదు రామకృష్ణ పై పీ డి యాక్ట్ నమోదు ట్రాన్స్ఫార్మర్ కాపర్ వైర్ చోరీ..... రాష్ట్ర స్థాయి షూటింగ్ పోటీలకు ఎంపికైన న్యూ రిషి పాఠశాల విద్యార్థులు నేడు యుసుప్ పూర్ గ్రామంలో పోలియో చుక్కల కార్యక్రమం ప్రజాస్వామ్య పరిరక్షణకు కదం తొక్కనున్న మహా పాదయాత్ర క్షిపణి దాడుల కంటే ఆర్థిక యుద్ధమే కఠినం.. బాలల రక్షణకు ఉపాధ్యాయులే కీలక రక్షకులు: జిల్లా న్యాయ సేవాధికార సంస్థ కార్యదర్శి సయ్యద్ జియాఉద్దీన్ శ్రీ సరస్వతీ శిశు మందిర్‌లో “లైఫ్ మేనేజ్‌మెంట్”పై అవగాహన కార్యక్రమం ఏ.ఎస్.డీ.డీ ఓటర్లకు మరో అవకాశం కల్పించి అర్హులైన వారిని ఓటరు జాబితాలో చేర్చాలి. సీపీఐ బలోపేతానికి క్షేత్రస్థాయిలో చురుకుగా పనిచేయాలి - సభ్యత్వ నమోదు వేగవంతం చేయాలి - చాడ వెంకటరెడ్డి ఇందిరమ్మ కుటుంబ జీవిత బీమా పథకం ద్వారా ప్రతి కుటుంబానికి ఆర్థిక భరోసా - జిల్లా కలెక్టర్ కె.హరిత వైసీపీ కుట్రలను తిప్పికొట్టిన ఓటర్లకు హ్యాట్సాఫ్ -స్థానిక సంస్థల ఎన్నికల ఫలితాలపై ముఖ్యమంత్రి చంద్రబాబు మీడియా సమావేశం ముదిగుబ్బ సర్పంచ్ బరిలో ఏడుగురు అభ్యర్థులు జలసిరి పనులపై అవగాహన

ఇందిరమ్మ కుటుంబ జీవిత బీమా పథకం ద్వారా ప్రతి కుటుంబానికి ఆర్థిక భరోసా - జిల్లా కలెక్టర్ కె.హరిత

Select Suryaa Now
ఇందిరమ్మ కుటుంబ జీవిత బీమా పథకం ద్వారా ప్రతి కుటుంబానికి ఆర్థిక భరోసా - జిల్లా కలెక్టర్ కె.హరిత
సూర్య ఆసిఫాబాద్ జిల్లా ప్రతినిధి : ప్రభుత్వం ప్రతిష్టాత్మకంగా చేపట్టిన ఇందిరమ్మ కుటుంబ జీవిత బీమా పథకం ద్వారా అర్హత గల ప్రతి కుటుంబానికి సామాజిక భద్రత, ఆర్థిక భరోసా కల్పించడం జరుగుతుందని జిల్లా కలెక్టర్ కె.హరిత అన్నారు. శనివారం జిల్లా కేంద్రంలోని సమీకృత జిల్లా కలెక్టరేట్ భవన సమావేశ మందిరంలో ఉమ్మడి ఆదిలాబాద్ జిల్లా శాసనమండలి సభ్యులు దండే విఠల్, ఆసిఫాబాద్ శాసనసభ్యులు కోవ లక్ష్మీ, జిల్లా అదనపు కలెక్టర్లు యువరాజ్ మర్మాట్, ఎం.డేవిడ్, ఆసిఫాబాద్, కాగజ్ నగర్ మున్సిపల్ చైర్ పర్సన్లు మెంగ్రే ఆకాష్, సహిన్ సుల్తానా, ఆసిఫాబాద్ మార్కెట్ కమిటీ చైర్మన్ ఇరుకుల్ల మంగ, జిల్లా గ్రంధాలయ సంస్థ చైర్మన్ కామ్డే అనిల్, ప్రాథమిక వ్యవసాయ సహకార సంఘం అధ్యక్షుడు అలీబిన్ అహ్మద్, అసిఫాబాద్ మున్సిపల్ వైస్ చైర్మన్ ఎండి.అహ్మద్ లతో కలిసి ఇందిరమ్మ కుటుంబ జీవిత బీమా పథకాన్ని లాంఛనంగా ప్రారంభించారు. ఈ సందర్భంగా జిల్లా కలెక్టర్ మాట్లాడుతూ దేశంలో ఏ రాష్ట్రంలో లేని విధంగా తెలంగాణ రాష్ట్రంలో ప్రతి కుటుంబానికి వర్తించే విధంగా 5 లక్షల రూపాయల ఇందిరమ్మ కుటుంబ జీవిత బీమా పథకాన్ని ప్రభుత్వం ప్రతిష్టాత్మకంగా ఈనెల 19వ తేదీన రాష్ట్ర ముఖ్యమంత్రి చేతులమీదుగా ప్రారంభించిందని తెలిపారు. జిల్లాలో 1 లక్ష 65 వేల రేషన్ కార్డులు కలిగిన కుటుంబాలకు మున్సిపాలిటీలు, మండల కేంద్రాలు, గ్రామపంచాయతీలలోని 411 ప్రదేశాలలో శిబిరాలు నిర్వహించి, ప్రతి ఒక్కరి నుండి భీమా దరఖాస్తులు స్వీకరించి వివరాలను నమోదు చేయడం జరుగుతుందని తెలిపారు. రేషన్ కార్డులు లేని వారికి త్వరలో రాష్ట్ర ప్రభుత్వ మార్గదర్శకాల ప్రకారం చర్యలు తీసుకుంటామని, ఎలాంటి ప్రీమియం చెల్లించకుండా, ఎలాంటి దృవపత్రాలు అవసరం లేకుండా కేవలం రేషన్ కార్డు నెంబరు ఉంటే కుటుంబ సభ్యుల సమ్మతితో కుటుంబంలో గల 18 నుండి 59 సంవత్సరాల వయసు గల వారిలో ఒకరికి బీమా చేయించుకుని, నామిని వివరాలను దరఖాస్తులో నింపితే సరిపోతుందని తెలిపారు. జిల్లాలో ఈ పథకంపై ప్రజలందరికీ తెలిసే విధంగా టామ్ టామ్, గోడ ప్రతులు, కరపత్రాల ద్వారా విస్తృత ప్రచారం నిర్వహించడం జరుగుతుందని తెలిపారు.శాసనమండలి సభ్యులు మాట్లాడుతూ మాజీ ప్రధాని ఇందిరాగాంధీ నినదించిన గరీబీ హటావో కార్యక్రమంలో భాగంగా రాష్ట్ర ప్రభుత్వం ప్రతి కుటుంబానికి వర్తించేలా సామాజిక భద్రత, ఆర్థిక భరోసా అందించాలనే ఆలోచనతో ఈ పథకాన్ని ప్రారంభించిందని తెలిపారు. ప్రభుత్వం ప్రారంభించే ప్రతి పథకంలో మహిళలకు పెద్దపీట వేస్తుందని, జిల్లా ప్రజలు ఈ పథకాన్ని సద్వినియోగం చేసుకోవాలని తెలిపారు.ఆసిఫాబాద్ శాసనసభ్యులు మాట్లాడుతూ ఇందిరమ్మ కుటుంబ జీవిత బీమా పథకం ప్రతి అర్హత కుటుంబానికి అందేలా అధికారులు చర్యలు తీసుకోవాలని తెలిపారు. దరఖాస్తులు స్వీకరించే శిబిరాలలో ప్రజలకు ఎలాంటి ఇబ్బందులు తలెత్తకుండా సదుపాయాలు కల్పించి, పారదర్శకంగా ప్రక్రియ చేపట్టాలని తెలిపారు. ప్రభుత్వం చేపట్టే ప్రతి సంక్షేమ, అభివృద్ధి పథకాలు 100 శాతం అర్హులైన లబ్ధిదారులకు అందిన అధికారులకు సమన్వయంతో పనిచేయాలని తెలిపారు. ఈ కార్యక్రమంలో సంబంధిత అధికారులు, కౌన్సిలర్లు, సర్పంచ్ లు, లబ్ధిదారులు తదితరులు పాల్గొన్నారు.