జిల్లాలో 151 చెక్ బౌన్స్ కేసుల స్పెషల్ లోక్ అదాలత్ పరిష్కారం
గుంటూరు : జాతీయ, రాష్ట్ర న్యాయ సేవాధికార సంస్థల ఆదేశాల మేరకు, గుంటూరు జిల్లా ప్రధాన న్యాయమూర్తి, జిల్లా న్యాయ సేవాధికార సంస్థ చైర్మన్ శ్రీ బి. సాయి కల్యాణ చక్రవర్తి నేతృత్వంలో శనివారం నాడు జిల్లా వ్యాప్తంగా చెక్ బౌన్స్ కేసుల పరిష్కారం కోసం ప్రత్యేక (స్పెషల్) లోక్ అదాలత్ను నిర్వహించారు.ఈ ప్రత్యేక లోక్ అదాలత్లో కక్షిదారుల మధ్య రాజీ కుదర్చడం ద్వారా జిల్లా వ్యాప్తంగా మొత్తం 151 చెక్ బౌన్స్ కేసులను న్యాయమూర్తులు పరిష్కరించారు. పరిష్కారమైన ఈ కేసులకు సంబంధించి మొత్తం చెక్ విలువ రూ. 4,56,56,132/- (నాలుగు కోట్ల యాభై ఆరు లక్షల యాభై ఆరు వేల నూట ముప్పై రెండు రూపాయలు) కాగా, ఇరువర్గాల అంగీకారంతో రూ. 3,25,09,403/- (మూడు కోట్ల ఇరవై ఐదు లక్షల తొమ్మిది వేల నాలుగు వందల మూడు రూపాయలు) మొత్తానికి సెటిల్మెంట్ కుదిరినట్లు జిల్లా న్యాయ సేవాధికార సంస్థ కార్యదర్శి శనివారం తెలిపారు.
సూర్య నాయక్