telangana
అంజన్న నిజస్వరూపాన్ని దర్శించుకుంటున్న భక్తులు
సూర్య మల్యాల: మల్యాల మండలంలోముత్యంపేట కొండగట్టు శ్రీ ఆంజనేయ స్వామివారి ఆలయంలో 60 ఏళ్ల తర్వాత నిజస్వరూపాన్ని చందనోత్సవం కార్యక్రమంలో ద్వారా ఆరు రోజులపాటు అధికారుల సమక్షంలో పూజారులు చందనాన్నితొలగించారు. తొలగించిన చందనం సుమారు 99కిలోలకు పైగా అధికారులు భద్రపరిచారు. ఈనెల 15 నుండి 20 వరకు చందనాన్ని తొలగించారు. ఈనెల 21 నుండి డిసెంబర్ 29 వరకు 40 రోజులపాటు భక్తులు సందర్శించుకునేందుకు అధికారులు అనుమతినిచ్చారు. కాగా అంజన్న నిజస్వరూపాన్ని 60 ఏళ్ల తర్వాత నిజ స్వరూపం శనివారం మొదటి రోజు కావడం భక్తులు సందర్శించుకునేందుకు కిక్కిరిసిపోయారు. శనివారం నుండి వచ్చే నెల 29 వరకు భక్తులు ఈ అవకాశాన్ని సద్వినియోగపరుచుకోవాలని ఆలయ ఈవో అంజన రెడ్డి తెలిపారు. అంజన్న నిజ స్వరూపం ఎలా ఉంటుందో భక్తులు భక్తి పారవశ్యంతో జైశ్రీరామ్ జై హనుమాన్ అంటూ కొండగట్టు ఆంజనేయస్వామి ఆలయంలో నినాదాలు మార్మోగుతున్నాయి.