telangana
సీఎం రిలీఫ్ ఫండ్ చెక్కులు అందజేసిన సర్పంచ్
సూర్య రెంజల్ : రాష్ట్ర ముఖ్యమంత్రి సహాయ నిధి నుండి మంజూరైనటువంటి సీఎం రిలీఫ్ ఫండ్ చెక్కులను అందజేసినట్లు సర్పంచ్ ఈరవోయిని మల్లేష్ తెలిపారు. రెంజల్ మండలంలోని కూనేపల్లి గ్రామానికి చెందిన రెండు సీఎం సహాయ నిధికి దరఖాస్తు చేసుకోవడంతో ప్రభుత్వం నుండి మంజూరైనటువంటి ఈర్నాల నడిపి సాయిలు 56000, గైని అంజలి 16,000 చెక్కులను లబ్ధిదారులకు అందజేశారు. నిరుపేద కుటుంబాలను ఆదుకునేందుకు సహాయ నిధులు మంజూరు చేసినటువంటి ముఖ్యమంత్రి రేవంత్ రెడ్డి కి, బోధన్ ఎమ్మెల్యే, రాష్ట్ర ప్రభుత్వ సలహాదారులు సుదర్శన్ రెడ్డికి కృతజ్ఞత అభినందనలు తెలిపారు. చెక్కుల పంపిణీ కార్యక్రమంలో ఉప సర్పంచ్ శ్రీనివాస్ గౌడ్, గ్రామస్తులు లక్ష్మణ్, లింగం తదితరులు ఉన్నారు.