మాదకద్రవ్యాల రహిత సమాజ నిర్మాణంలో యువత భాగస్వాములు కావాలి విద్యార్థులు ఉన్నత లక్ష్యాలను ఎంచుకోవాలి: జిల్లా యువజన అధికారి గౌతమ్ రెడ్డి, ఎస్ఐ గోపాల్ రెడ్డి
మాదకద్రవ్యాల రహిత సమాజ నిర్మాణంలో యువత భాగస్వాములు కావాలి
విద్యార్థులు ఉన్నత లక్ష్యాలను ఎంచుకోవాలి: జిల్లా యువజన అధికారి గౌతమ్ రెడ్డి, ఎస్ఐ గోపాల్ రెడ్డి
నేరేడుచర్ల, మేజర్ న్యూస్
మాదకద్రవ్యాల రహిత సమాజ నిర్మాణంలో యువత భాగస్వాములు కావాలని జిల్లా యువజన అధికారి గౌతమ్ రెడ్డి, నేరేడుచర్ల ఎస్ఐ గోపాల్ రెడ్డి పిలుపునిచ్చారు. నేరేడుచర్ల ప్రభుత్వ జూనియర్ కళాశాలలో మై భారత్ కేంద్రం, సూర్యాపేట ఆధ్వర్యంలో ‘నషా ముక్త్ యువ’ (మాదకద్రవ్యాల రహిత యువత) ఇతివృత్తంతో నైబర్హుడ్ యూత్ పార్లమెంట్ కార్యక్రమాన్ని నిర్వహించారు.ఈ సందర్భంగా గౌతమ్ రెడ్డి మాట్లాడుతూ విద్యార్థులు జీవితంలో ఉన్నత లక్ష్యాలను ఎంచుకొని, వాటి సాధనకు క్రమశిక్షణతో కృషి చేయాలని సూచించారు. యువత మాదకద్రవ్యాలు, ఇతర చెడు వ్యసనాలకు దూరంగా ఉండి సమాజ అభివృద్ధిలో భాగస్వాములు కావాలని కోరారు.
ఎస్ఐ గోపాల్ రెడ్డి మాట్లాడుతూ
విద్యార్థులు చట్టాలపై అవగాహన కలిగి ఉండాలని, హక్కులతో పాటు బాధ్యతలను తెలుసుకొని చట్టాలను గౌరవించాలని సూచించారు.అనంతరం సూర్యాపేట జిల్లా ఎస్పీ కార్యాలయానికి చెందిన పోలీస్ కళాబృందం పాటల ద్వారా మాదకద్రవ్యాల దుష్ప్రభావాలపై విద్యార్థులకు అవగాహన కల్పించింది.కళాశాల ప్రిన్సిపాల్ నీరజ అధ్యక్షతన జరిగిన ఈ కార్యక్రమాన్ని ఎన్ఎస్ఎస్ ప్రోగ్రామ్ ఆఫీసర్ వనపర్తి శ్రీనివాసులు సమన్వయం చేశారు. కార్యక్రమంలో కళాశాల బోధన, బోధనేతర సిబ్బంది, కార్యాలయ సిబ్బంది తదితరులు పాల్గొన్నారు.