అనంతపల్లిలో ఘనంగా బాలల గ్రామసభ

సూర్య బోయినపల్లి.. భారతదేశ తొలి ప్రధానమంత్రి పండిట్ జవహర్ లాల్ నెహ్రూ  జన్మదినం పురస్కరించుకొని, తెలంగాణ ప్రభుత్వ సూచన మేరకు బోయినపల్లి మండలం అనంతపల్లి గ్రామంలో గ్రామపంచాయతీ కార్యాలయంలో బాలల గ్రామసభ ఘనంగా జరిగింది. సర్పంచ్ శ్రీమతి గంగాధర కావ్య - లక్ష్మణ్  అధ్యక్షతన జరిగిన ఈ సభలో ముందుగా నెహ్రూ  చిత్రపటానికి పూలమాల వేసి నివాళులర్పించారు.
అనంతరం బాల,బాలికలతో ఉపన్యాసాలు, పాటలు, స్కిట్స్ వేయించి, పిల్లలకు ప్రోత్సాహక బహుమతులతో పాటు స్వీట్ల పంపిణీ చేశారు.
ఈ కార్యక్రమంలో ఉపసర్పంచ్, వార్డు సభ్యులు, కార్యదర్శి  అనీల్ , స్కూల్ పిల్లలు, అంగన్ వాడీ టీచర్లు భారతి , అంజలి , ఆయాలు జంగ లక్ష్మీ, ద్యాగల నర్సవ్వ, విఓఏ జంగ లహరి , గ్రామ పెద్దలు, కారోబార్ కరుణాకర్, పంచాయతీ సిబ్బంది తదితరులు పాల్గొన్నారు.
బాలల గ్రామసభను కన్నుల పండుగగా జరిపి విజయవంతం చేసిన ప్రతి ఒక్కరికీ పేరుపేరునా సర్పంచ్ కావ్య - లక్ష్మణ్  ధన్యవాదములు తెలియజేశారు.