andhrapradesh
బాలల దినోత్సవంతో మొదలైన గ్రంథాలయ వారోత్సవాలు
సూర్య న్యూస్ అద్దంకి.
అద్దంకి శాఖ గ్రంథాలయం నందు 59వ జాతీయ గ్రంథాల వారోత్సవాలు శనివారం జాతీయ జండా ఆవిష్కరణతో ప్రారంభమయ్యాయి. ఈ కార్యక్రమానికి గ్రంథాలయ వారోత్సవాల ప్రోగ్రామ్ ఆర్గనైజర్ మన్నం త్రిమూర్తులు అధ్యక్షత వహించారు.
రిటైర్డ్ ఆర్జెడి డాక్టర్ యూ దేవ పాలన మాట్లాడుతూ భారతదేశ మొదటి ప్రధానమంత్రి పండిట్ జవలాల్ నెహ్రూ జయంతి రోజున బాలల దినోత్సవం గా నామకరణం చేశారని.. నేటి బాలలే రేపటి పౌరులుగా సామాజిక బాధ్యతతో ఎదిగి తల్లిదండ్రులకు, గురువర్యులకు మంచి పేరు తీసుకురావాలని అంటూ విజయవాడ సిద్ధార్థ మెడికల్ కాలేజీలో ఫైనల్ ఇయర్ చదువుతున్న తన మనవరాలు జి హారిక పుట్టినరోజు సందర్భంగా కేక్ కట్ చేసి బాలబాలికులకు తినిపించారు. అద్దంకి ఎన్టీఆర్ నగర్ కు చెందిన గుంజి శివ కోటేశ్వరరావు పాఠశాల స్థాయి నుండి.. డిగ్రీ, పీజీ విశ్వవిద్యాలయం వరకు స్టేట్ ర్యాంక్స్ తో ప్రభుత్వ విద్యాలయంలోనే చదివి ఇటీవల ఏపీపీఎస్సీ లో ప్రభుత్వ డిగ్రీ లెక్చరర్ గా జాబ్ సాధించారు. నేపథ్యంలో శివ కోటేశ్వరరావును ఘనంగా సత్కరించారు. అనంతరం ఆయన మాట్లాడుతూ బుక్స్ కొనటానికి కూడా ఆర్థిక స్తోమత లేని తనకు తరగతి గదిలో ఉపాధ్యాయులు చెప్పిన పాఠాలు తో పాటు గ్రంథాలయాల బుక్స్ ఈ స్థితికి కారణమని, పట్టుదల ఉంటే ఏదైనా సాధ్యమని శివ కోటేశ్వరరావు చెప్పిన మాటలకు బాలబాలికలు చప్పట్లు, కేరింతలతో అభినందనలు తెలియజేశారు. బాల బాలికలందరికీ మిఠాయిలు,బిస్కెట్స్ పంచిపెట్టారు. ఈ కార్యక్రమంలో లైబ్రేరియన్ సిహెచ్ వి ఎల్ వసుంధరాదేవి, ఎక్స్ లైబ్రేరియన్ సిహెచ్ సుగణరావు, విద్వాన్ జ్యోతి చంద్రమౌళి, గాడేపల్లి దివాకర్ దత్తు, చప్పిడి వీరయ్య, సంధ్రెడ్డి శ్రీనివాసరావు, అద్దంకి లేవీ ప్రసాద్, శశిధర్, సిహెచ్ హరి సాయినాథ్, ఏ సురేష్ తో పాటు భాష్యం స్కూల్ బాలబాలికలు పాల్గొన్నారు.
