శాఖ గ్రంథాలయంలో ఘనంగా నెహ్రూ జయంతి

ఖాజీపేట మేజర్ న్యూస్:59వ జాతీయ గ్రంథాలయ వారోత్సవాలు, బాలల దినోత్సవాన్ని పురస్కరించుకుని శనివారం స్థానిక శాఖ గ్రంథాలయంలో భారత తొలి ప్రధాని పండిట్ జవహర్‌లాల్ నెహ్రూ జయంతి వేడుకలను ఘనంగా నిర్వహించారు.​ఈ సందర్భంగా గ్రంథాలయ అధికారి కే. హరికృష్ణ నెహ్రూ చిత్రపటానికి పూలమాలలు వేసి ఘనంగా నివాళులర్పించారు. అనంతరం ఆయన మాట్లాడుతూ.. 1889 నవంబరు 14న జన్మించిన నెహ్రూ పుట్టినరోజును దేశవ్యాప్తంగా బాలల దినోత్సవంగా జరుపుకుంటున్నామన్నారు. నెహ్రూ ఎక్కడికి వెళ్లినా చిన్నారులను ఆప్యాయంగా పలకరించేవారని, ఆయనకు పిల్లలన్నా, గులాబీలన్నా అమితమైన ప్రేమని గుర్తుచేశారు.
​కార్యక్రమంలో పుస్తక నిక్షిప్త కేంద్రం నిర్వాహకులు పి. వెంకట రవి, వి. శివశంకర్, వీర నరేష్, పాఠకులు ప్రతాప్ రెడ్డి, మాలకొండయ్య, కృష్ణయ్య, విద్యార్థులు పాల్గొన్నారు.

బోర్రా శివరామిరెడ్డి సూర్య రిపోర్టర్ ఖాజీపేట