21న ఆళ్లగడ్డలో కైశిక ద్వాదశి వేడుకలు

ఆళ్లగడ్డ మేజర్ న్యూస్ ; తిరుమల తిరుపతి దేవస్థానములు హిందూ ధర్మ ప్రచార పరిషత్తు ఉమ్మడి కర్నూలు జిల్లా శాఖ ఆధ్వర్యంలో ఈనెల 21వ తేదీ, శనివారం, సాయంత్రం ఐదు గంటలకు ఆళ్ళగడ్డ పట్టణం ఆర్టీసీ బస్టాండుకు ఎదురుగా ఉన్న ఆదర్శనగర్ నగర్ కాలనీలోని శ్రీరామాలయం నందు మరియు గోస్పాడు మండలం, తేళ్ళపురి గ్రామంలోని శ్రీయాటగిరి లక్ష్మి నరసింహ స్వామి దేవస్థానంనందు మంగళ కైశికద్వాదశి మహోత్సవాన్ని  నిర్వహిస్తున్నట్లు తిరుమల తిరుపతి దేవస్థానములు హిందూ ధర్మ ప్రచార పరిషత్తు ఉమ్మడి కర్నూలు జిల్లా శాఖ కార్యనిర్వాహకులు డాక్టర్ మల్లు వేంకటరెడ్డి తెలిపారు. ఇందుకు సంబంధించిన బ్యానర్ ను తి.తి.దే. హిందూ ధర్మ ప్రచార మండలి సభ్యులు టి. వి. వీరాంజనేయరావు, కసెట్టి సుజాత, రిటైర్డ్ డిగ్రీ కాలేజీ ప్రిన్సిపల్ కె. ప్రభాకర్, ఆలయ వ్యవస్థాపకులు బత్తుల శేష పాములేటి తదితరులతో కలిసి ఆవిష్కరించారు. ఈ సందర్భంగా వారు మాట్లాడుతూ భగవంతుని చేరుకోవడానికి కావలసింది కేవలం నిష్కల్మషమైన భక్తి, సత్యవాక్కు మాత్రమేనని, భక్తి కంటే గొప్పది మరొకటి లేదని, కులం, జాతి, ధనం, బలం ఏవీ దైవ సాన్నిద్యాన్ని చేర్చలేవని భక్తి యొక్క మహత్మ్యాన్ని తెలిపే ఈ అపూర్వ పర్వదినం రోజు విష్ణు కథలను విని భగవంతుని కృపకు పాత్రులు కావాలని పిలుపునిచ్చారు. ఆరోజు విష్ణు సహస్ర నామ పారాయణం, భజనలు, హనుమాన్ చాలీసా పారాయణం, తీర్థ ప్రసాద వితరణ ఉంటుందని తెలిపారు. ఈకార్యక్రమంలో జె.పద్మలత, టంగుటూరు సత్యనారాయణ, సునంద, సి.పెద్దక్క, బత్తుల పెద్ద సుబ్బరాయుడు, తోట భాస్కర్, ఎం హనుమంతరావు, బచ్చు పెద్ద వీరారెడ్డి, దస్తగిరి రెడ్డి,  ఓరుగంటి సుబ్బరాయుడు తదితరులు పాల్గొన్నారు.

శ్రీనివాస్ ఆళ్లగడ్డ నంద్యాల జిల్లా