పేదల వైద్యానికి అండగా సీఎం రిలీఫ్ ఫండ్.. రూ.51 వేల ఆర్థిక సాయం అందజేత

కీసర, మేజర్ న్యూస్: ఆర్థిక ఇబ్బందులతో వైద్య చికిత్స పొందలేని నిరుపేదలకు సీఎం రిలీఫ్ ఫండ్ ఎంతగానో ఉపయోగపడుతుందని మాజీ మంత్రి, మేడ్చల్ ఎమ్మెల్యే చామకూర మల్లారెడ్డి అన్నారు. కీసర మండలం గోధుమకుంట గ్రామానికి చెందిన వంగేటి వెంకట్ రెడ్డికి వైద్య చికిత్స నిమిత్తం మంజూరైన రూ.51 వేల సీఎం రిలీఫ్ ఫండ్ చెక్కును ఎమ్మెల్యే మల్లారెడ్డి అందజేశారు. అనారోగ్యంతో బాధపడుతున్న బాధితుడికి ఈ ఆర్థిక సహాయం కొంత ఊరటనివ్వనుంది. ఈ సందర్భంగా లబ్ధిదారుడు వైద్య చికిత్స కోసం ఆర్థిక సాయం అందించినందుకు ఎమ్మెల్యేకు కృతజ్ఞతలు తెలిపారు. ఈ కార్యక్రమంలో మాజీ సర్పంచ్ ఆకిటి మహేందర్ రెడ్డి, మాజీ ఉపసర్పంచ్ మంచాల రాజలింగం, నాయకులు వి. మహేందర్ రెడ్డి, ఎస్. కొండల్ రెడ్డి తదితరులు పాల్గొన్నారు.