బాలల హక్కులపై ప్రత్యేక గ్రామసభలు

 నవాబుపేట సూర్య న్యూస్:జాతీయ బాలల దినోత్సవాన్ని పురస్కరించుకుని మండలంలోని 42గ్రామపంచాయతీల్లో శనివారం బాలల సంక్షేమంపై ప్రత్యేక గ్రామసభలు నిర్వహించారు.ఆయా గ్రామాల సర్పంచుల ఆధ్వర్యంలో జరిగిన ఈ గ్రామసభల్లో 18ఏళ్లలోపు బాలబాలికలు అధిక సంఖ్యలో పాల్గొన్నారు.ఈ సందర్భంగా ఎంపీడీవో జయరాం నాయక్ మాట్లాడుతూ..బాలల హక్కుల పరిరక్షణ,వారి సమగ్ర అభివృద్ధి లక్ష్యంగా ప్రత్యేక గ్రామసభలు నిర్వహించినట్లు తెలిపారు.పిల్లలకు సకాలంలో టీకాలు,పౌష్టికాహారం,మెరుగైన వైద్యం,పాఠశాలల్లో హాజరు,సురక్షిత తాగునీరు,పారిశుద్ధ్యం వంటి అంశాలపై చర్చించినట్లు పేర్కొన్నారు.బాల్యవివాహాలు,బాలకార్మిక వ్యవస్థ,బాలల అక్రమ రవాణా,వేధింపులు,హింస,మత్తు పదార్థాల వినియోగం వంటి సమస్యల నివారణపై అవగాహన కల్పించి,బాలల సంక్షేమానికి అవసరమైన అంశాలపై తీర్మానాలు చేసినట్లు వివరించారు.బాలబాలికలు తమ సమస్యలను నిర్భయంగా గ్రామసభల దృష్టికి తీసుకురావడం జరిగింది అన్నారు.ఈ కార్యక్రమాల్లో ఆయా గ్రామాల ప్రజాప్రతినిధులు,18 ఏళ్లలోపు బాలబాలికలు,గ్రామపెద్దలు తదితరులు పాల్గొన్నారు.