మహిళా సమైక్య భవనాలకు భూమి పూజ మర్కుక్ - మండల కేంద్రంలో రూ.20 లక్షలతో రెండు భవనాల నిర్మాణం కోసం భూమి పూజ

మర్కుక్  : మర్కుక్ మండల కేంద్రంలోని వి.బి.జి. రామ్ నిధుల కింద రెండు మహిళా సమైక్య భవనాల నిర్మాణానికి భూమి పూజ కార్యక్రమం నిర్వహించారు. ఈ సందర్భంగా గ్రామ సర్పంచ్ బుల్లె రాణి మల్లేష్ మాట్లాడుతూ.. మండలం ఏర్పడిన తర్వాత తొలిసారిగా మండల కేంద్రంలో మహిళా సమైక్య భవనాల నిర్మాణానికి శ్రీకారం చుట్టినట్లు తెలిపారు. మహిళా సంఘాల అవసరాలను దృష్టిలో ఉంచుకుని రెండు భవనాలను నిర్మించనున్నట్లు పేర్కొన్నారు. ఒక్కో భవనానికి రూ.10 లక్షల చొప్పున మొత్తం రూ.20 లక్షల నిధులతో నిర్మాణ పనులు చేపట్టి పూర్తి చేయనున్నట్లు వెల్లడించారు. మహిళా సమాఖ్యలకు ఈ భవనాలు సమావేశాలు నిర్వహించుకోవడానికి, సమైక్యసంఘాల కార్యకలాపాలను కొనసాగించడానికి ఎంతగానో ఉపయోగపడతాయని ఆమె తెలిపారు. ఈ కార్యక్రమంలో ఉపసర్పంచ్ మహేష్,మాజీ సర్పంచ్ అచ్చంగారి భాస్కర్, వార్డు సభ్యులు సతీష్ గౌడ్, పుట్ట రవి రేఖ,పాపోల్ల రాజు కల్పన , కనకయ్య , రాజు, నాగరాజు కాంగ్రెస్ గ్రామ శాఖ అధ్యక్షులు ర్యాకం స్వామి నాయకులు బబ్బురి శ్రీనివాస్ గౌడ్, సుధాకర్ రెడ్డి నరేష్ కనకయ్య కరుణాకర్ తదితరులు పాల్గొన్నారు.