సేవాభారతి ట్రస్ట్ ఆధ్వర్యంలో అన్నదానం
సేవాభారతి ట్రస్ట్ ఆధ్వర్యంలో అన్నదానం
సంగారెడ్డి ; శనివారం మహాలయ అమావాస్యను పురస్కరించుకొని సేవాభారతి ట్రస్ట్ ఆధ్వర్యంలో కంది గ్రామం, సంగారెడ్డిలోని శివాలయం, సంగారెడ్డి ప్రభుత్వ ఆసుపత్రిలో రోగులకు అన్నప్రసాద వితరణ కార్యక్రమాన్ని నిర్వహించారు. ఈ సందర్భంగా ఆసుపత్రిలో చికిత్స పొందుతున్న రోగులకు,వారి సహాయకులకు అన్నప్రసాదాన్ని పంపిణీ చేశారు.మహాలయ అమావాస్య పర్వదినాన్ని పురస్కరించుకొని సేవా భావంతో అన్నదాన కార్యక్రమాన్ని చేపట్టడం పట్ల పలువురు హర్షం వ్యక్తం చేశారు. ఆకలితో ఉన్నవారికి ఆహారం అందించడం గొప్ప మానవతా సేవ అని, సేవా కార్యక్రమాల ద్వారా సమాజంలో స్ఫూర్తిని నింపవచ్చని నిర్వాహకులు పేర్కొన్నారు.ఈ కార్యక్రమం ద్వారా రోగులకు, వారి కుటుంబ సభ్యులకు సేవాభారతి ట్రస్ట్ సభ్యులు తమ వంతు సహాయాన్ని అందించారు. ఈ కార్యక్రమంలో ట్రస్ట్ సభ్యులు శివకుమార్, సంజయ్ కుమార్, మురళి, రాములు,శ్రీధర్, సాహితీ రాము,విట్టల్ దాస్ ఇతర సేవా కార్యకర్తలు పాల్గొన్నారు.
