శ్రీ కృష్ణ హాస్పిటల్ లో ఉచిత వైద్య శిబిరం

ఏలూరు, మేజర్ న్యూస్: స్థానిక ఆర్ ఆర్ పేట బెండపూడివారి వీధి లోని శ్రీ కృష్ణ హాస్పిటల్ మల్టీ స్పెషాలిటీ&ట్రామాకేర్ నందు శనివారం ఉదయం ఉచిత వైద్య శిబిరం నిర్వహించారు. ఈ వైద్య శిబిరంలో  హాస్పిటల్స్ అధినేత డాక్టర్ బి. కృష్ణ రోగులను పరిక్షించి అవసరం అయిన వారికి ఎక్సరే, రక్త పరీక్షలు బియమ్ డి (ఎముకల సాంద్రత), స్కానింగ్ చేసి రోగులకు ఉచితంగా మందులు పంపిణీ చేశారు. అనంతరం పలు ఆరోగ్య సమస్యలకు సూచనలు అందజేశారు. ఈ ఉచిత వైద్య శిబిరంలో వందలాది మంది రోగులకు సేవలందించారు. ఈ సందర్బంగా డాక్టర్ బి. కృష్ణ మాట్లాడుతూ ఆరోగ్యమే మహాభాగ్యం అని తలచి వైద్యం ప్రతి పేదవానికి సత్వరమే అందుబాటులో ఉండాలనే మంచి ఉద్దేశ్యం కలిగి వారి తండ్రిగారైన రాముడు నుండి ప్రేరణ పొంది గత 48 నెలల(నాలుగు సంవత్సరాల)నుండి ప్రతి నెల 2 వ శనివారం పేదలకు ఉచిత వైద్య శిబిరం  నిర్వహిస్తున్నట్లు తెలిపారు. ఈ సదవకాశాన్ని పేద ప్రజలు సద్వినియోగం చేసుకోవాలని కోరారు. చిన్న పిల్లలను జంక్ ఫుడ్ కు దూరంగా ఉంచాలని, స్వయంగా ఇంట్లో వండిన వంటకాలను వారికి అలవాటు చేయాలని తెలిపారు. ఏలూరు చుట్టు ప్రక్కల ప్రాంతాల ప్రజలు ఈ అవకాశాన్ని వినియోగించుకోవాలని కోరారు. ఈ ఉచిత వైద్య శిబిరాన్ని ఉపయోగించుకునే రోగుల సంఖ్య ప్రతినెలా పెరుగుతూ వస్తోందని చెప్పారు.  రోగులకు ఉచితంగా మందుల కిట్లను పంపిణీ చేశారు.  ఈకార్యక్రమంలో డాక్టర్ రవి కిరణ్, డాక్టర్ దిలిప్, లయన్స్ క్లబ్ వారు, హాస్పిటల్ సిబ్బంది పాల్గొన్నారు. ఈ కార్యక్రమంలో 144మంది రోగులు ఈ అవకాశాన్ని వినియోగించుకున్నారు.

 రిపోర్టర్ దొరబాబు ఏలూరు ఏలూరు జిల్లా