ఘనంగా తపస్య ట్రోఫీ ముగింపు వేడుకలు..

ఘనంగా తపస్య ట్రోఫీ ముగింపు వేడుకలు..

# విద్యార్థుల్లో క్రీడాస్ఫూర్తి ప్రశంసనీయం.

# క్రీడలను దైనందిన జీవితంలో భాగం చేసుకోవాలి

రేణిగుంట మేజర్ న్యూస్:  విద్యార్థులు క్రీడలను దైనందిన జీవితంలో ఒక భాగంగా చేసుకోవాలని, ఆటలు శారీరక దృఢత్వంతో పాటు మానసిక ప్రశాంతతకు ఎంతగానో దోహదపడతాయని  డాక్టర్ బషీర్ తపస్య పాఠశాల అధినేత విక్రమ్ శాలి,   తెలిపారు. కరస్పాండెంట్ విక్రమ్ శాలి మాట్లాడుతూ, నిరంతర సాధన, పట్టుదల ఉంటే ఎలాంటి విజయాన్నైనా సాధించవచ్చని విద్యార్థులు తమ ఆటతీరుతో నిరూపించారని పేర్కొన్నారు. విద్యార్థుల్లో దాగి ఉన్న ప్రతిభను వెలికితీయడంలో తపస్యా క్రీడోత్సవం ఎంతగానో దోహదపడిందని ఆనందం వ్యక్తం చేశారు. అనంతర తపస్య  ట్రోఫీ ముగింపు వేడుకలో అనూషా  మాట్లాడుతూ, ట్రోఫీని కైవసం చేసుకునే ప్రయత్నంలో అద్భుతమైన ప్రతిభ కనబరిచిన చిన్నారులందరినీ అభినందించారు. తపస్య  క్రీడోత్సవాన్ని విజయవంతం చేయడంలో కృషి చేసిన నిర్వాహకులు,  ఉపాధ్యాయులు, వివిధ క్రీడల శిక్షకులు, న్యాయ నిర్ణేతలకు   ధన్యవాదాలు తెలియజేశారు.  భీష్మ, ద్రోణ, కర్ణ, అర్జున సమూహాల్లోని విద్యార్థులు ఉత్సాహంగా క్రీడల్లో పాల్గొన్న తీరు తనకు మహాభారత కురుక్షేత్ర పోరాటాన్ని గుర్తుచేసిందని అన్నారు. విద్యార్థులు భవిష్యత్తులో మరిన్ని విజయాలు సాధించి, ఉన్నత శిఖరాలను అధిరోహించాలని ఆకాంక్షిస్తూ చిన్నారులను అభినందించారు.

రిపోర్టర్ :  రమేష్ బాబు కొండల