రెేపు వీరపనేనిగూడెం సబ్‌స్టేషన్ పరిధిలో విద్యుత్ సరఫరా నిలిపివేత.

గన్నవరం, మేజర్ న్యూస్.

 విద్యుత్ లైన్ల మరమ్మతులు, 33/11 కేవీ వీరపనేనిగూడెం సబ్‌స్టేషన్ నిర్వహణ పనుల నేపథ్యంలో ఆదివారం  ఉదయం 10 గంటల నుంచి మధ్యాహ్నం ఒంటి గంట వరకు విద్యుత్ సరఫరా నిలిపివేయనున్నట్లు ఏపీసీపీడీసీఎల్ గుణదల కార్యనిర్వాహక ఇంజనీర్ డి. విశ్వేశ్వర ప్రసాద్ ఒక ప్రకటనలో తెలిపారు. వీరపనేనిగూడెం, తెంపల్లి, బల్లిపర్రు, మర్లపాలెం హౌసింగ్ కాలనీ, మెట్లపల్లి, కొత్తగూడెం, చింతగుంట, కండ్రిక, చిక్కవరం, గొల్లనపల్లి, బీబీ గూడెం, బీబీ గూడెం రోడ్డు, స్లేట్ స్కూల్ ప్రాంతం, జయశ్రీ పాలిమర్స్, ఉష స్పిన్ కోట్ పరిసర ప్రాంతాల్లో విద్యుత్ సరఫరా నిలిచిపోనుంది. విద్యుత్ సరఫరా నిలిపివేత సమయంలో గృహ, వ్యవసాయ, వాణిజ్య, పారిశ్రామిక వినియోగదారులు సహకరించాలని అధికారులు కోరారు. వ్యవసాయ విద్యుత్ సరఫరా ఉదయం 5 గంటల నుంచి 10 గంటల వరకు, తిరిగి మధ్యాహ్నం ఒంటి గంట నుంచి సాయంత్రం 5 గంటల వరకు ఉంటుందని అధికారులు స్పష్టం చేశారు.

మేజర్ న్యూస్ ప్రతినిధి: గుర్రం ప్రసాద్, గన్నవరం, కృష్ణా జిల్లా.