రాష్ట్రస్థాయి వేదికపై చిన్నకోడూరు బైండ్ల కళాకారుల ప్రతిభ

చిన్నకోడూరు, :కరీంనగర్‌లో నిర్వహించిన రాష్ట్రస్థాయి జానపద సాంస్కృతిక జాతరలో చిన్నకోడూరు మండలానికి చెందిన బైండ్ల కళాకారులు మిట్టపల్లి భరత్ కుమార్, మిట్టపల్లి రోహిత్ కళాబృందం పాల్గొని తమ ప్రతిభను చాటుకుంది.తెలంగాణ భాషా సాంస్కృతిక శాఖ సహకారంతో సంకల్ప స్వచ్ఛంద సేవా సంస్థ ఆధ్వర్యంలో శుక్రవారం కరీంనగర్ ఫిలిం భవన్‌లో ఈ జాతర నిర్వహించారు. ఈ సందర్భంగా కళాకారుల ప్రదర్శనను అభినందించిన సంస్థ వ్యవస్థాపక అధ్యక్షుడు వలుస సుభాష్ చంద్రబోస్ వారికి ప్రశంసాపత్రాన్ని అందజేశారు. రాష్ట్రస్థాయి వేదికపై తమ కళను ప్రదర్శించడంపై స్థానికులు, కళాభిమానులు హర్షం వ్యక్తం చేశారు.