పిఆర్సి అమలులో జాప్యం జరిగితే పోరాటమే

టిఎస్ యూటీఎఫ్ జిల్లా ప్రధాన కార్యదర్శి షేక్ యాకూబ్..
కేసముద్రం,  రాష్ట్ర ఐక్యఉపాధ్యాయ ఫెడరేషన్ కేసముద్రం మండల కమిటీ సమావేశం మండల అధ్యక్షులు భూక్య శ్రీను అధ్యక్షతన కేసముద్రం హైస్కూల్ లో జరిగింది. ఈ సమావేశంలో ముఖ్య అతిధిగా జిల్లా ప్రధాన కార్యదర్శి షేక్ యాకూబ్ పాల్గొని మాట్లాడుతూ..ప్రభుత్వం హామీ ఇచ్చినట్టు గా తక్షణమే పీఆర్సి రిపోర్ట్ తెప్పించుకుని జూలై 2023 నుండి పీఆర్సి అమలు చేయాలనీ అన్నారు. లేని యెడల దసరా తరువాత పోరాట కార్యాచరణ ప్రకటి స్తామని అన్నారు. సీపీఎస్ రద్దు చేసి పాతపెన్షన్ విధానాన్ని అమలు జరుపాలని, తెలంగాణ పబ్లిక్ స్కూల్స్ పేరుతో ఉన్న పాఠశాలలు మూసి వేసే ప్రయత్నాలు విరమిం చుకోవాలని, అవసర మున్న చోట మాత్రమే టీపీఎస్ లను ప్రారంభిం చాలని, ప్రాథమిక పాఠశాలలకు సహజ మరణం పొందేలా ఉన్న జీవో నంబర్ 25 ను సవరించాలని, ప్రతి పాఠశాలలో కనీసం ఇద్దరు, 50 మంది విద్యార్థులున్న పాఠశాలలో తరగతికి ఒక టీచర్ను ఇవ్వాలని అన్నారు. ఉపాధ్యా యులచే పర్యవేక్షణ చేస్తున్న ప్యానల్ టీమ్స్ ను రద్దు చేసి పర్య వేక్షణ అధికారులను నియమించాలని అన్నారు. జీవో 317 లో నష్టపోయిన వారికీ కనీసం 190 జీవో నైనా అమలుచేయాలని అన్నారు. గురుకుల, మోడల్ స్కూల్, కేజీబీవీ ఉపాధ్యా యులకు హెల్త్ కార్డ్స్ ఇవ్వాలని డిమాండ్ చేశారు.ఈ సమా వేశంలో జిల్లా కార్యదర్శి డి.హుస్సేన్, మండల ప్రధాన కార్యదర్శి కె. కళ్యాణ్, మండల కమిటీ సభ్యులు భద్రు, సూర్యనారాయణ, స్వప్న, భద్రాసింగ్, మధు, నాగరాజు, వెంకటరెడ్డి, హోంజీ తదితరులు పాల్గొన్నారు.