ఏడు కుటుంబాలకు రూ.3.20 లక్షల సీఎంఆర్ఎఫ్ చెక్కులు
విజయవాడ సెంట్రల్, మేజర్ న్యూస్ : ముఖ్యమంత్రి సహాయ నిధి పేద, మధ్యతరగతి కుటుంబాలకు అండగా నిలుస్తోందని ప్రభుత్వ విప్, సెంట్రల్ నియోజకవర్గ ఎమ్మెల్యే బొండా ఉమామహేశ్వరరావు అన్నారు. 63వ డివిజన్ రాజీవ్‌నగర్‌లో ఏడు కుటుంబాలకు రూ.3.20 లక్షల ముఖ్యమంత్రి సహాయ నిధి చెక్కులను ఆయన పంపిణీ చేశారు. అనారోగ్యం, ఆర్థిక ఇబ్బందులతో బాధపడుతున్న కుటుంబాలకు ఈ సహాయం ఎంతో ఉపయోగపడుతోందన్నారు. ఇప్పటివరకు సెంట్రల్ నియోజకవర్గంలో సుమారు రూ.9 కోట్ల విలువైన ఎల్‌ఓసీలు, చెక్కులు అందజేశామని తెలిపారు. ప్రజలు తమ సమస్యలతో ఎమ్మెల్యే కార్యాలయాన్ని ఆశ్రయించినప్పుడు అర్జీలను పరిశీలించి, సంబంధిత అధికారుల ద్వారా సహాయం అందేలా చర్యలు తీసుకుంటున్నామని చెప్పారు. అధికారం అలంకారం కాదని, ప్రజల పట్ల జవాబుదారీతనంతో సేవ చేయడం తమ బాధ్యతని బొండా ఉమా పేర్కొన్నారు.
✍️ప్రేమ్ రాజ్, విజయవాడ, ఎన్టీఆర్ జిల్లా.
