గుంతలు లేని నగరంగా విజయవాడను తీర్చిదిద్దాలి : కమిషనర్ ధ్యానచంద్ర

విజయవాడ కార్పొరేషన్, మేజర్ న్యూస్ : విజయవాడను గుంతలు లేని నగరంగా ఉంచాలని నగరపాలక సంస్థ కమిషనర్ ధ్యానచంద్ర అధికారులను ఆదేశించారు. బుధవారం ఏలూరు రోడ్డులో క్షేత్రస్థాయి పర్యటన నిర్వహించి రహదారులపై గుంతలు, మరమ్మతులు, పారిశుద్ధ్య నిర్వహణ, డివైడర్ల వద్ద గ్రీనరీని పరిశీలించారు. అవసరమైన చోట వెంటనే రోడ్డు మరమ్మతులు చేపట్టి ప్రజలకు ఇబ్బందులు లేకుండా చూడాలని, మ్యాన్‌హోల్స్‌ను రోడ్డు స్థాయిలో ఉండేలా చర్యలు తీసుకోవాలని సూచించారు. భూగర్భ డ్రైనేజీ పొంగకుండా నిరంతరం పర్యవేక్షించాలని, డివైడర్ల వద్ద పరిశుభ్రతతో పాటు గ్రీనరీని పెంచాలని ఆదేశించారు. అనంతరం ధర్నా చౌక్‌లోని అన్న క్యాంటీన్‌ను పరిశీలించిన కమిషనర్ పరిసరాలను పరిశుభ్రంగా ఉంచడంతో పాటు నిర్వహణను మెరుగుపరచాలని సూచించారు. పర్యటనలో జోనల్ కమిషనర్ కే. ప్రభుదాస్, చీఫ్ సిటీ ప్లానర్ కే. సంజయ్ రత్నకుమార్, ఎగ్జిక్యూటివ్ ఇంజనీర్ గోపాలకృష్ణమూర్తి, డిప్యూటీ డైరెక్టర్ హార్టికల్చర్ చంద్రశేఖర్, అసిస్టెంట్ మెడికల్ హెల్త్ ఆఫీసర్ డా. పి. అన్నపూర్ణ తదితరులు పాల్గొన్నారు.

✍️ప్రేమ్ రాజ్, విజయవాడ, ఎన్టీఆర్ జిల్లా.