andhrapradesh
మహిళలకు కుట్టుమిషన్ల అందజేత
విజయవాడ సెంట్రల్, మేజర్ న్యూస్ : మహిళలకు తాత్కాలిక సహాయం కంటే నిరంతర ఆదాయం లభించేలా ఉపాధి అవకాశాలు కల్పించడం ముఖ్యమని టీడీపీ యువ నాయకుడు బొండా సిద్ధార్థ అన్నారు. సింగ్‌నగర్‌లోని ఎమ్మెల్యే కార్యాలయంలో 62వ డివిజన్‌కు చెందిన దాశెట్టి జ్యోతి, నక్కా సత్యలకు జీవనోపాధి కోసం కుట్టుమిషన్లను అందజేశారు. ఇంటి వద్దనే పని చేసుకుంటూ ఆదాయం పొందేందుకు కుట్టుమిషన్లు ఉపయోగపడతాయని, మహిళలు ఆర్థికంగా బలపడితే కుటుంబాల జీవన ప్రమాణాలు మెరుగుపడతాయని అన్నారు. పేద కుటుంబాల్లో ఆర్థిక ఇబ్బందుల కారణంగా ఉపాధి ప్రారంభించలేని వారికి అండగా నిలుస్తామని, అవసరాన్ని బట్టి భవిష్యత్‌లోనూ కుట్టుమిషన్లు, ఇతర ఉపాధి పరికరాలు అందిస్తామని బొండా సిద్ధార్థ తెలిపారు.
✍️ప్రేమ్ రాజ్, విజయవాడ, ఎన్టీఆర్ జిల్లా.
