కొడకంచి ఉన్నత పాఠశాల విద్యార్థులకు దాతల చేయూత

కొడకంచి ఉన్నత పాఠశాల విద్యార్థులకు దాతల చేయూత

100 మంది విద్యార్థులకు విద్యా సామగ్రి పంపిణీ

జిన్నారం :జిన్నారం మున్సిపాలిటీ పరిధిలోని కొడకంచి జిల్లా పరిషత్ ఉన్నత పాఠశాల విద్యార్థులకు దాతలు అండగా నిలిచారు. శ్రీ కృషి డిఫెన్స్ కాలనీకి చెందిన సాఫ్ట్‌వేర్ దంపతులు సుమారు 100 మంది విద్యార్థులకు స్కూల్ బ్యాగులు, టిఫిన్ బాక్సులు, చెప్పులు, గొడుగులు, స్టేషనరీ, హ్యాండ్‌ కర్చీఫ్‌లను ఉచితంగా పంపిణీ చేశారు. గ్రామీణ ప్రాంత విద్యార్థులను ప్రోత్సహించి, వారి చదువుకు తోడ్పడాలనే ఉద్దేశంతో ఈ కార్యక్రమాన్ని చేపట్టినట్లు దంపతులు తెలిపారు. ఈ సందర్భంగా పాఠశాల ప్రిన్సిపాల్ భాస్కర్ గౌడ్ దాతల సేవాభావాన్ని అభినందిస్తూ ప్రత్యేక కృతజ్ఞతలు తెలిపారు. అనంతరం ఉపాధ్యాయులతో కలిసి దంపతులను ఘనంగా సన్మానించారు. ఈ కార్యక్రమంలో ఉపాధ్యాయులు మొగిలి, మాల, దేవదానం, సత్య, శ్రీవాణి, మునీరుద్దీన్, మంజుల, సిబ్బంది రజని, విద్యార్థులు పాల్గొన్నారు.