telanagana
*గాయపడిన విద్యార్థికి బీర్ల అయిలయ్య ఆపన్నహస్తం*
*-వైద్య ఖర్చులకు రూ.50 వేల ఆర్థిక సాయం*
యాదాద్రి :నాగార్జునసాగర్‌ గురుకుల పాఠశాలలోని మూడో అంతస్తు నుంచి ప్రమాదవశాత్తు కిందపడి తీవ్రంగా గాయపడిన విద్యార్థి ఆవుల నరేందర్‌ను ప్రభుత్వ విప్‌, ఆలేరు ఎమ్మెల్యే బీర్ల అయిలయ్య పరామర్శించారు. ఎల్‌బీనగర్‌లోని వెల్‌నాక్స్‌ రిహాబిలిటేషన్‌ సెంటర్‌లో చికిత్స పొందుతున్న నరేందర్‌ ఆరోగ్య పరిస్థితిని వైద్యులను అడిగి తెలుసుకున్నారు.బాధిత కుటుంబ సభ్యులను ఓదార్చిన అయిలయ్య.. నరేందర్‌ పూర్తిగా కోలుకునే వరకు అండగా ఉంటామని భరోసా ఇచ్చారు. ఆసుపత్రి వైద్య ఖర్చుల కోసం రూ.50 వేల ఆర్థిక సాయాన్ని కుటుంబ సభ్యులకు అందజేశారు. నరేందర్‌కు మెరుగైన వైద్యం అందించేందుకు అవసరమైన సహాయ సహకారాలు కొనసాగిస్తామని తెలిపారు.
