andhrapradesh
కామన్వెల్త్ గేమ్స్ స్వర్ణం సాధించిన శంకు కృపారావుకు వర్ల రామయ్య అభినందనలు
మంగళగిరి తెలుగుదేశం పార్టీ కేంద్ర కార్యాలయంలో టీడీపీ పొలిట్ బ్యూరో సభ్యులు, ఎమ్మెల్సీ వర్ల రామయ్యను కామన్వెల్త్ గేమ్స్ స్వర్ణ పతక విజేత కృపారావు కలిశారు. కెనడాలో ఇటీవల జరిగిన కామన్వెల్త్ గేమ్స్ పోటీల్లో పవర్‌లిఫ్టింగ్‌ విభాగంలో స్వర్ణ పతకం సాధించిన ఆంధ్రప్రదేశ్‌కు చెందిన క్రీడాకారుడు శంకు కృపారావును వర్ల రామయ్య అభినందించారు. అంతర్జాతీయ స్థాయి పోటీల్లో అద్భుత ప్రతిభ కనబరిచి స్వర్ణ పతకం సాధించడం ఆంధ్రప్రదేశ్‌ రాష్ట్రానికి గర్వకారణమని వర్ల రామయ్య పేర్కొన్నారు.
