telanagana
పట్టభద్రుల ఓటు.. ప్రజాస్వామ్యానికి బలం-డా గుండెబోయిన రమేష్ యాదవ్
చౌటుప్పల్‌,మేజర్ న్యూస్:పట్టభద్రుల ఎమ్మెల్సీ ఎన్నికల్లో అర్హత ఉన్న ప్రతి ఒక్కరూ ఓటు హక్కును నమోదు చేసుకోవాలని ఫిజియోథెరపిస్ట్‌ డా. గుండేబోయిన రమేష్ యాదవ్ అన్నారు. వరంగల్‌–నల్గొండ–ఖమ్మం పట్టభద్రుల నియోజకవర్గ ఓటరు జాబితాలో పేరు నమోదు కోసం ఫారం–18ను ఉపతహసీల్దార్‌ సూరయ్యకు అందజేశారు.
ఈ సందర్భంగా రమేష్ యాదవ్ మాట్లాడుతూ.. “పట్టభద్రుల ఓటు కేవలం హక్కు కాదు.. బాధ్యత కూడా. అర్హత ఉన్న ప్రతి పట్టభద్రుడు తప్పనిసరిగా ఓటు నమోదు చేసుకోవాలి. మన సమస్యలను శాసనమండలిలో ప్రస్తావించే ప్రతినిధిని ఎన్నుకునే అవకాశం మన చేతుల్లోనే ఉంది. ఓటు నమోదు విషయంలో నిర్లక్ష్యం చేయకుండా చివరి తేదీ కోసం ఎదురుచూడకుండా ఫారం–18ను సమర్పించాలి” అని సూచించారు.
పట్టభద్రులంతా ఓటు విలువను గుర్తించి తమ పేర్లను నమోదు చేసుకోవడంతో పాటు, తోటి పట్టభద్రులకు కూడా అవగాహన కల్పించాలని కోరారు.
