రాష్ట్రస్థాయి హాకీ పోటీలకు ఆల్ఫోర్స్ విద్యార్థుల ఎంపిక

 సూర్య కరీంనగర్: క్రీడలు విద్యార్థుల్లో ఆసక్తి, ఏకాగ్రతను పెంపొందించడంతో పాటు ఒత్తిడి నుంచి ఉపశమనం కలిగిస్తాయని ఆల్ఫోర్స్ విద్యాసంస్థల అధినేత డా. వి. నరేందర్‌రెడ్డి అన్నారు. కొత్తపల్లి ఆల్ఫోర్స్ ఈ-టెక్నో పాఠశాలలో రాష్ట్రస్థాయి హాకీ పోటీలకు ఎంపికైన విద్యార్థులకు అభినందన కార్యక్రమం నిర్వహించారు. సెప్టెంబర్‌ 29న కరీంనగర్‌లో జరిగిన ఎస్‌జీఎఫ్‌ జోనల్‌ పోటీల్లో అండర్‌-14 బాలుర విభాగంలో డి. శివన్‌రెడ్డి, ఏ. రితిక్‌ పటేల్, వీ. రేవంత్‌రెడ్డి, అండర్‌-14 బాలికల విభాగంలో జోయా, ఏ. నైకా రెడ్డి, వీ. లక్ష్మీ ప్రసన్న, అండర్‌-17 బాలుర విభాగంలో సిహెచ్. జయంత్ రాష్ట్రస్థాయి పోటీలకు ఎంపికయ్యారు. బాలుర పోటీలు రంగారెడ్డి, బాలికల పోటీలు కామారెడ్డి, అండర్‌-17 పోటీలు జోగులాంబ గద్వాల్‌లో జరగనున్నాయి. ఎంపికైన విద్యార్థులను డా. నరేందర్‌రెడ్డి అభినందించి, జాతీయ స్థాయికి ఎంపిక కావాలని ఆకాంక్షించారు. కార్యక్రమంలో ప్రిన్సిపాల్‌, వ్యాయామ ఉపాధ్యాయులు, విద్యార్థులు పాల్గొన్నారు.