శభాష్ గాయత్రీ దివ్యాంగ భక్తుడి ఆకలి తీర్చిన ద్వారకాతిరుమల ఆలయ మహిళా సిబ్బందికి సీఎం ప్రశంస మీ సహృదయానికి అభినందనలు అంటూ ఎక్స్‌లో సీఎం పోస్ట్

ద్వారకాతిరుమల ఆలయ అన్నప్రసాద కేంద్రంలో రెండు చేతులులేని దివ్యాంగ భక్తుడికి గాయత్రి అనే మహిళా సిబ్బంది స్వయానా అన్నం తినిపించారు. ఇది సోషల్ మీడియాల్ వైరల్ అయింది. దీనిపై ముఖ్యమంత్రి చంద్రబాబు ప్రశంసలు కురిపించారు. దివ్యాంగ భక్తుడు సత్యనారాయణకు అన్నం తినిపించే వీడియోను సీఎం చంద్రబాబు ఎక్స్‌లో పోస్టు చేశారు. ‘శభాష్ గాయత్రీ.! ద్వారకా తిరుమల అన్నప్రసాద కేంద్రంలో చేతులు లేని దివ్యాంగ భక్తుడికి అన్నం తినిపించి ఆకలి తీర్చిన మీ సహృదయానికి వందనాలు. "మానవ సేవే మాధవ సేవ" అని చాటి చెప్పిన మీ స్ఫూర్తి అభినందనీయం’ అని సీఎం పేర్కొన్నారు.