కోదండ రామునికి ఘనంగా ఘటాభిషేకం

గూడూరు(చిల్లకూరు), మేజర్‌న్యూస్‌  :  చిల్లకూరు మండల పరిధిలోని తమ్మిన పట్నం గ్రామంలోని కోదండ రామ స్వామి దేవస్థానంలో ఆలయ కమిటీ చైర్మన్ మరియు కార్యనిర్వహణ అధికారి ఆధ్వర్యంలో శ్రీరామునికి ఘటాభిషేకం నిర్వహించారు. సోమవారం ఉదయం రాష్ట్ర ప్రభుత్వ ఆదేశాలతో సకాలంలో సమృద్ధిగా వర్షాలు కురిసి, రైతులు పంటలు బాగా పండించుకుని, కరువు కాటకాలు లేకుండా రాష్ట్రం సుభిక్షంగా ఉండాలని ఆకాంక్షిస్తూ వరుణ యాగం,1008 కలిశాలతో స్వామి అమ్మవార్లకు అభిషేకాలు, సహస్ర ఘటాభిషేక మహోత్సవ కార్యక్రమాలను ఘనంగా నిర్వహించారు. ఈ సందర్భంగా ఆలయ కమిటీ చైర్మన్ కోట సతీష్ యాదవ్ మాట్లాడుతూ రాష్ట్ర ప్రభుత్వం ఆదేశాల మేరకు తమ్మినపట్నంలోని కోదండ రామస్వామి దేవస్థానంలో వరుణ యాగం నిర్వహించడం జరిగింది. వర్షాలు సమృద్ధిగా కురిసి పంటలు సమృద్ధిగా పండి రైతులు ప్రజలు రాష్ట్రం సుభిక్షంగా ఉండాలని కోరుతూ పూజా కార్యక్రమాలు నిర్వహించామని వెల్లడించారు. ఈ కార్యక్రమంలో కార్యనిర్వహణ అధికారి గిరి కృష్ణ, పాలకమండలి సభ్యులు, గ్రామస్తులు తదితరులు పాల్గొన్నారు.