విజ్ఞాన్ ఉన్నత పాఠశాలలో ‘సేవా సంకల్ప్ అభియాన్’ పోటీలు

సూర్య కరీంనగర్; ప్రధాని నరేంద్ర మోదీ 25 ఏళ్ల ప్రజాసేవను పురస్కరించుకుని ‘సేవా సంకల్ప్ అభియాన్’లో భాగంగా పశ్చిమ జోన్ నాయకుడు జాడి బాలరెడ్డి ఆధ్వర్యంలో 21వ డివిజన్‌లోని విజ్ఞాన్ ఉన్నత పాఠశాలలో విద్యార్థులకు చిత్రలేఖనం, ఉపన్యాస పోటీలు నిర్వహించారు. కార్యక్రమానికి బీజేపీ జిల్లా అధ్యక్షుడు సాయిని మల్లేశం ముఖ్యఅతిథిగా హాజరై విజేతలకు బహుమతులు, ప్రశంసాపత్రాలు అందజేశారు. ఈ సందర్భంగా మల్లేశం మాట్లాడుతూ విద్యార్థులు చదువుతో పాటు సంస్కృతి, విజ్ఞానం, దేశాభివృద్ధిపై అవగాహన పెంచుకోవాలని సూచించారు. కార్యక్రమంలో పరశురాములు గౌడ్, బండ రాకేష్, అన్నాజి వినీత్, పసుల నరేందర్, పాఠశాల యాజమాన్యం, ఉపాధ్యాయులు, విద్యార్థులు పాల్గొన్నారు.