ప్రాంగణ నియామకాల్లో విశ్వం డిగ్రీ కళాశాల విజయదుందుభి
- ఉద్యోగాలకు 20 మంది విద్యార్థులు ఎంపిక
మదనపల్లె : విశ్వం డిగ్రీ కళాశాలలో ఎస్ఎస్ఎన్ ఐటి టెక్నాలజీస్ ప్రైవేట్ లిమిటెడ్,బెంగళూరు ఆధ్వర్యంలో నిర్వహించిన క్యాంపస్ ప్లేస్మెంట్ డ్రైవ్‌లో 20 మంది విద్యార్థులు ఉద్యోగాలకు ఎంపికయ్యారు.డిగ్రీ ఫైనల్‌ ఇయర్‌ చదువుతున్న బీకాం,బీబీఏ,బీసీఏ,బీఎస్సీ విద్యార్థులు కలిపి మొత్తం 234 మంది ఈ ఎంపిక ప్రక్రియలో పాల్గొన్నారు.ఈ సందర్భంగా ఎస్ఎస్ఎన్ ఐటి టెక్నాలజీస్ ప్రైవేట్ లిమిటెడ్ సీఈవో చిన్నారెడ్డి,సంస్థ హెచ్‌ఆర్‌ బృంద సభ్యులు విద్యార్థులకు సంస్థలోని ఉద్యోగ అవకాశాలు,విధులు,కెరీర్‌ అభివృద్ధికి సంబంధించిన అంశాలను వివరించారు.విద్యార్థుల ప్రతిభ,నైపుణ్యాలను పరిశీలించి అర్హులను ఉద్యోగాలకు ఎంపిక చేశారు.ఈ సందర్భం కళాశాల ప్రిన్సిపాల్‌ డాక్టర్ సి.రఘునాథరెడ్డి మాట్లాడుతూ విద్యార్థులు విద్యాభ్యాసంతోపాటు ఉద్యోగ నైపుణ్యాలను పెంపొందించుకోవాలని సూచించారు.అందుబాటులోకి వచ్చే క్యాంపస్ ప్లేస్మెంట్ అవకాశాలను సద్వినియోగం చేసుకోవాలని తెలిపారు.కళాశాల చైర్మన్‌ మలిపెద్ది ప్రభాకర్‌రెడ్డి మాట్లాడుతూ విద్యార్థులకు మెరుగైన ఉద్యోగావకాశాలు కల్పించేందుకు కళాశాల ఆధ్వర్యంలో నిరంతరం ప్లేస్మెంట్ డ్రైవ్‌లు నిర్వహిస్తున్నట్లు తెలిపారు.విద్యార్థులు తమ ప్రతిభను,నైపుణ్యాలను అభివృద్ధి చేసుకుని ఉన్నత ఉద్యోగాల్లో స్థిరపడాలని ఆకాంక్షించారు.ఈ
కార్యక్రమంలో ప్లేస్మెంట్ ఆఫీసర్‌ ఆర్షద్‌,అధ్యాపకులు,విద్యార్థులు పాల్గొన్నారు.విద్యార్థులకు ఉద్యోగావకాశాలు కల్పించిన సీఈవో చిన్నారెడ్డి,హెచ్‌ఆర్‌ బృందానికి కళాశాల యాజమాన్యం కృతజ్ఞతలు తెలిపింది.ఎంపికైన విద్యార్థులను అభినందించి శుభాకాంక్షలు తెలిపారు.
