BREAKING
21వ వార్డులో జోరందుకున్న ఎన్నికల ప్రచారం పూతలపట్టులో దట్టమైన పొగమంచు.. స్తంభించిన రాకపోకలు, భయాందోళనలో వాహనదారులు అక్కడక్కడ చిన్నపాటి ప్రమాదాలు స్నేహితుని కుటుంబానికి ఆర్థిక సహాయం అందజేత హలో నేతన్న.. చలో చేనేత భవన్ విజయవంతం చేయాలిపద్మశాలి సంఘం జిల్లా యూత్ అధ్యక్షుడు పోల నవీన్ కుమార్ సూర్య వార్తకు స్పందన.. చవటపల్లి ముందర సర్వీస్ రోడ్డుపై స్పీడ్ బ్రేకర్లు ఏర్పాటు చేసిన ఎన్.హెచ్.ఏ.ఐ అధికారులు కౌడిపల్లిలో ఇందిరమ్మ కుటుంబ జీవిత బీమా పథకం ఆన్‌లైన్ నమోదు ప్రక్రియ ప్రారంభం కడుపునొప్పి భరించలేక వివాహిత ఆత్మహత్య తెలంగాణ సారస్వత పరిషత్తు నిర్వహించిన పోటీలలో విద్యార్థుల ప్రతిభ తెలంగాణ హైకోర్టులో అడ్వకేట్‌గా ప్రమాణ స్వీకారం జీజీహెచ్‌లో సహజ ప్రసవాలపై అవగాహన ర్యాలీ ఆత్మకూరులో "ఆనం ", "బొమ్మిరెడ్డి "ల మేలుకలయిక మలుపు తిరిగిన రాజకీయం వైభవంగా అయ్యప్ప మహాపడిపూజ నగరం మండలంలో 60 మంది సర్పంచ్, 249 వార్డు సభ్యుల నామినేషన్లు దాఖలు ఆత్మకూరులో కొయ్య వృత్తిదారులచే విరాట్ కార్పెంటర్స్ అసోసియేషన్ నూతన కార్యవర్గం ఏర్పాటు వైసీపీ కి అధికారం బ్రమే...కూటమిదే అధికారం:మజ్జి

విజయవాడ ఉత్సవ్ 2.0, దసరా వేడుకలకు కేంద్ర రైల్వే మంత్రికి ఆహ్వానం

Select Suryaa Now
విజయవాడ ఉత్సవ్ 2.0, దసరా వేడుకలకు కేంద్ర రైల్వే మంత్రికి ఆహ్వానం

సూర్య న్యూఢిల్లీ బ్యూరో: ఆంధ్రప్రదేశ్ ప్రభుత్వం ప్రతిష్టాత్మకంగా నిర్వహిస్తున్న 'విజయవాడ ఉత్సవ్ 2.0'తో పాటు ఇంద్రకీలాద్రిపై వైభవంగా జరిగే శరన్నవరాత్రి దసరా మహోత్సవాలకు ముఖ్య అతిథిగా హాజరుకావాల్సిందిగా కేంద్ర రైల్వే, ఐటీ శాఖ మంత్రి అశ్విని వైష్ణవ్‌కు ఆహ్వానం అందింది. న్యూఢిల్లీలో కేంద్ర మంత్రిని ఏపీ వైద్యారోగ్య శాఖ మంత్రి వై. సత్యకుమార్ యాదవ్, విజయవాడ పార్లమెంట్ సభ్యులు కేశినేని శివనాథ్ (చిన్ని) మర్యాదపూర్వకంగా కలిసి ఆహ్వాన పత్రికను అందజేశారు.

ఈ సందర్భంగా విజయవాడ సాంస్కృతిక, ఆధ్యాత్మిక వైభవాన్ని దేశవ్యాప్తంగా చాటిచెప్పేలా అక్టోబర్ 11 నుంచి ప్రారంభం కానున్న విజయవాడ ఉత్సవ్ 2.0 ప్రత్యేకతలు, ఏర్పాట్లను కేంద్ర మంత్రికి వివరించారు. దసరా నవరాత్రుల సందర్భంగా విజయవాడ నగరానికి దేశం నలుమూలల నుంచి లక్షలాది మంది భక్తులు, పర్యాటకులు తరలిరానున్న నేపథ్యంలో పున్నమి ఘాట్, మాకినేని బసవపున్నయ్య స్టేడియం తదితర వేదికల్లో భారీ సాంస్కృతిక ప్రదర్శనలు, కార్నివాల్స్ నిర్వహిస్తున్నట్లు తెలిపారు. ఈ ఉత్సవాలకు విచ్చేయాలని కోరగా.. కేంద్ర మంత్రి అశ్విని వైష్ణవ్ సానుకూలంగా స్పందించినట్లు నేతలు పేర్కొన్నారు.

అలాగే రాష్ట్రంలో రైల్వే ప్రాజెక్టుల పురోగతి, విజయవాడ రైల్వే డివిజన్ పరిధిలోని మౌలిక వసతుల విస్తరణ మరియు దసరా ఉత్సవాల వేళ ప్రయాణికుల రద్దీని దృష్టిలో ఉంచుకుని ప్రత్యేక రైళ్లను నడపడంపై ఈ భేటీలో చర్చించినట్లు సమాచారం. విజయవాడను పర్యాటక, వాణిజ్య కేంద్రంగా తీర్చిదిద్దడమే లక్ష్యంగా కూటమి ప్రభుత్వం ఈ వేడుకలను అత్యంత ఘనంగా నిర్వహిస్తోందని నేతలు స్పష్టం చేశారు.